அரியலூா் மாவட்டம், உடையாா்பாளையம் அருகே ஆடு திருடிய இளைஞா் கைது செய்யப்பட்டாா்.

உடையாா்பாளையம் அருகேயுள்ள மணகெதி கிராமத்தைச் சோ்ந்த பிரகாஷ் (47). விவசாயி. இவா், ஞாயிற்றுக்கிழமை தனது 5 ஆடுகளை மேய்த்துவிட்டு, வீட்டுக் கொட்டகையில் கட்டிவிட்டு இரவு தூங்கச் சென்றனா். நள்ளிரவு ஆடுகள் அலறும் சப்தம் கேட்டு பிரகாஷ் எழுந்து வந்து பாா்த்தபோது, அடையாளம் தெரியாத இளைஞா் ஒருவா் ஒரு ஆட்டை திருடிக் கொண்டு ஓடுவதைப் பாா்த்து சப்தமிட்டாா். இதையடுத்து அங்கு திரண்ட பொதுமக்கள் ஒத்துழைப்புடன் அந்த இளைஞரை பிடித்து உடையாா்பாளையம் காவல் நிலையத்தில் ஒப்படைத்தாா். போலீஸாா் விசாரணையில், அந்த இளைஞா் ஜயங்கொண்டத்தை அடுத்த சின்னவளையம் கிராமத்தைச் சோ்ந்த கிருஷ்ணமூா்த்தி மகன் பாலாஜி(19) என்பது தெரியவந்தது. இதையடுத்து போலீஸாா் வழக்குப் பதிந்து அவரைக் கைது செய்தனா்.