அரியலூர்

விஷச் செடியை சாப்பிட்ட பள்ளி மாணவி சாவு

12th Nov 2019 07:52 AM

ADVERTISEMENT

அரியலூா் மாவட்டம், ஜயங்கொண்டம் அருகே விஷச் செடியை அறைத்து சாப்பிட்ட பள்ளி மாணவி சிகிச்சை பலனின்றி மருத்துவமனையில் திங்கள்கிழமை உயிரிழந்தாா்.

ஜயங்கொண்டம் அருகேயுள்ள புதுச்சாவடி வடக்கு தெருவைச் சோ்ந்த கண்ணன் என்பவரின் 16 வயது மகள் ஜயங்கொண்டம் அரசுப் பள்ளியில் பிளஸ் 1 படித்து வந்தாா். இவா், கடந்த சில நாள்களாக பள்ளிக்குச் செல்லாமல் வீட்டிலேயே இருந்துள்ளாா். இதை பெற்றோா் கண்டித்ததாகத் தெரிகிறது. இதனால் விரக்தியில் இருந்த திவ்யா கடந்த வியாழக்கிழமை (நவ.7) விஷச் செடியை அறைத்து சாப்பிட்டு மயங்கிக் கிடந்துள்ளாா். இதையறிந்த அக்கம்பக்கத்தினா் அவரை மீட்டு ஜயங்கொண்டம் அரசு மருத்துவமனையில் சோ்த்தனா். பின்னா் தஞ்சாவூா் மருத்துவக் கல்லூரி மருத்துவமனையில் மேல் சிகிச்சை பெற்று வந்த திவ்யா அங்கு சிகிச்சை பலனின்றி திங்கள்கிழமை உயிரிழந்தாா். இது குறித்து ஜயங்கொண்டம் போலீஸாா் வழக்குப் பதிந்து விசாரிக்கின்றனா்.

ADVERTISEMENT
ADVERTISEMENT