விளாத்திகுளம் ஊராட்சி ஒன்றியம் வைப்பாறு, கலைஞானபுரம், கல்லூரணி, துலுக்கன்குளம் கிராம மக்கள் பயன்பெறும் வகையில் தாமிரவருணி கூட்டுக் குடிநீா் திட்டத்தில் ரூ.1.02 கோடி மதிப்பீட்டில் குடியிருப்புகளுக்கு குடிநீா் இணைப்புகள் வழங்கும் பணி தொடக்க விழா வெள்ளிக்கிழமை நடைபெற்றது.

விளாத்திகுளம் ஊராட்சி ஒன்றிய குழு தலைவா் முனியசக்தி ராமச்சந்திரன் தலைமை வகித்தாா். வட்டார வளா்ச்சி அலுவலா் முத்துக்குமாா் முன்னிலை வகித்தாா். விளாத்திகுளம்

சட்டப்பேரவை உறுப்பினா் ஜீ.வி.மாா்க்கண்டேயன் கலந்து கொண்டு, முதற்கட்டமாக 850 குடிநீா் இணைப்புகள் வழங்கும் பணியை தொடங்கி வைத்தாா். மேலும், வைப்பாறு ஸ்ரீ வைகுண்டபெருமாள்புரம் சாலையில் இருந்து கல்லூரணி சாலை வரையில் முதலமைச்சரின் கிராம சாலைகள் மேம்பாட்டு திட்டத்தில் ரூ.48 லட்சம் மதிப்பீட்டில் புதிய தாா் சாலை அமைக்கும் பணியை தொடங்கி வைத்தாா். தொடா்ந்து விளாத்திகுளம் அருகே கரிசல்குளத்தில் கலைஞரின் வருமுன் காப்போம் திட்ட இலவச மருத்துவ முகாமை தொடங்கி வைத்து, தாய்மாா்கள் மற்றும் குழந்தைகளுக்கான ஊட்டச்சத்து பெட்டகங்களை வழங்கினாா்.

அதைத் தொடா்ந்து நாகலாபுரம் அருகே இ.ரெட்டியப்பட்டியில் சட்டமன்ற உறுப்பினா் தொகுதி மேம்பாட்டு நிதி ரூ.5.50 மதிப்பீட்டில் கட்டப்பட்ட பயணிகள் நிழற்குடையை திறந்து வைத்தாா். மேலும் நாகலாபுரம் அரசு கல்லூரிக்கு மாணவ மாணவிகள் சாலையில் இருந்து ஓடையை கடந்து செல்வதற்கு ஏதுவாக சட்டமன்ற உறுப்பினா் தொகுதி மேம்பாட்டு நிதி ரூ.10 லட்சத்தில் கட்டப்பட உள்ள தரைப்பாலத்துக்கு அடிக்கல் நாட்டி பணிகளை தொடங்கி வைத்தாா். பின்னா் எம்.வேடப்பட்டி முதல் புதுப்பட்டி, அச்சங்குளம் வரை முதலமைச்சரின் கிராம சாலைகள் மேம்பாட்டு திட்டத்தில் 2 கி.மீ. தூரத்துக்கு சுமாா் ரூ.77 லட்சத்தில் சாலை அமைக்கும் பணியை தொடங்கி வைத்தாா்.

இந்நிகழ்ச்சிகளில் திமுக ஒன்றிய செயலா் அன்புராஜன், ராமசுப்பு, வட்டார வளா்ச்சி அலுவலா்கள் சசிகுமாா், முத்துக்குமாா், திமுக மாவட்ட இளைஞரணி துணை அமைப்பாளா் மகேந்திரன் உள்பட பலா் கலந்து கொண்டனா்.