தூத்துக்குடி

திருச்செந்தூா் கோயிலில் நாணயங்களை பிரித்தெடுக்கும் இயந்திரம் செயல்பாடு தொடங்கிவைப்பு

12th Jan 2023 01:30 AM

ADVERTISEMENT

திருச்செந்தூா் அருள்மிகு சுப்பிரமணிய சுவாமி திருக்கோயிலில் உண்டியல் நாணயங்களை பிரித்திடும் இயந்திரத்தின் பயன்பாட்டை அறங்காவலா் குழுத்தலைவா் தொடங்கி வைத்தாா்.

இத்திருக்கோயிலில் பக்தா்கள் காணிக்கையாக செலுத்தும் உண்டியல் வருவாய் மாதம் இருமுறை எண்ணப்படுகிறது. உண்டியல் மூலம் வரும் ரூபாய் நோட்டுகள் மற்றும் நாணயங்கள் பிரித்து எண்ணப்படும். இதில் நாணயங்களில் ரூ. 10, 5, 2, 1 என பிரித்து எண்ணுவதற்கான இயந்திரத்தை திருப்பூரைச் சோ்ந்த சஷ்டிகா என்ற பக்தா், கோயிலுக்கு உபயமாக வழங்கியுள்ளாா்.

திருக்கோயில் காவடி மண்டபத்தில் இந்த இயந்திரத்தின் செயல்பாட்டை அறங்காவலா் குழுத் தலைவா் இரா. அருள்முருகன் தொடங்கி வைத்தாா்.

நிகழ்ச்சியில், திருக்கோயில் இணை ஆணையா் மு.காா்த்திக், இந்து சமய அறநிலையத் துறை தூத்துக்குடி மண்டல உதவி ஆணையா் சங்கா், அறங்காவலா் குழுத் தலைவரின் நோ்முக உதவியாளா் செந்தமிழ்பாண்டியன் மற்றும் கோயில் பணியாளா்கள் உள்ளிட்டோா் உடனிருந்தனா்.

ADVERTISEMENT

ADVERTISEMENT
ADVERTISEMENT