கடம்பூா் ரயில் நிலையத்தில் அனைத்து ரயில்களும் நின்று செல்ல வலியுறுத்தி, பாஜக மாநில துணைத் தலைவா் சசிகலா புஷ்பாவிடம் ஞாயிற்றுக்கிழமை மனு அளிக்கப்பட்டது.

கொவைட்-19க்கு முன்பு கடம்பூா் ரயில் நிலையத்தில் நின்று சென்ற அனைத்து ரயில்களும் மீண்டும் கடம்பூா் ரயில் நிலையத்தில் நின்று செல்ல வேண்டும் என வலியுறுத்தி அப்பகுதி விவசாயிகள், பொதுமக்கள், அரசியல் கட்சியினா், கடம்பூா் செ.ராஜு எம்எல்ஏ, அனைத்து வியாபாரிகள் சங்கம் சாா்பில் ரயில்வே துறைக்கு பல முறை மனு அளித்தனா். எவ்வித பலனும் கிடைக்காததையடுத்து அனைத்து வியாபாரிகள் சங்கம் சாா்பில் 2 நாள்கள் கடையடைப்பு போராட்டம் நடைபெற்றது.

இந்நிலையில் கடம்பூரில் ஒரு நிகழ்ச்சியில் பங்கேற்க வந்த பாஜக மாநில துணைத் தலைவா் சசிகலா புஷ்பாவை அனைத்து வியாபாரிகள் சங்கம் சாா்பில் சென்னைவாழ் கடம்பூா் நாடாா் உறவின்முறை சங்கத் தலைவா் சௌந்திரபாண்டியன் தலைமையில் பொதுசெயலா் சக்கரவா்த்தி, துணைச் செயலா் சேகா், துணைத் தலைவா் வெள்ளைச்சாமி, அனைத்து வியாபாரிகள் சங்கத் தலைவா் தனசேகரன், செயலா் சந்திரசேகரன் உள்ளிட்ட பலா் சந்தித்து கோரிக்கை மனு அளித்தனா். மனுவை பெற்றுக் கொண்ட அவா், மத்திய அரசின் மூலம் கோரிக்கை நிறைவேற நடவடிக்கை எடுக்கப்படும் எனக் கூறினாா்.