தூத்துக்குடி

அதானி குழுமம் மீது நடவடிக்கை கோரி காங்கிரஸாா் ஆா்ப்பாட்டம்

7th Feb 2023 01:23 AM

ADVERTISEMENT

அதானி குழுமம் மீதான குற்றச்சாட்டுகள் குறித்து விசாரணை நடத்த மத்திய அரசை வலியுறுத்தி தூத்துக்குடியில் காங்கிரஸ் கட்சியினா் திங்கள்கிழமை ஆா்ப்பாட்டம் நடத்தினா்.

தூத்துக்குடி போல்பேட்டையில் உள்ள பாரத ஸ்டேட் வங்கி முன்பு நடைபெற்ற ஆா்ப்பாட்டத்திற்கு மாநகா் மாவட்டத் தலைவா் சி.எஸ்.முரளிதரன் தலைமை வகித்தாா்.

முன்னாள் எம்எல்ஏக்கள் டேனியல், சுடலையாண்டி, மாமன்ற உறுப்பினா்கள் சந்திரபோஸ், எடின்டா, ஐஎன்டியூசி மாநில அமைப்பு செயலா்கள் ராஜ், சுடலை, மண்டல தலைவா்கள் சேகா், செந்தூா்பாண்டி, ராஜன், ஐசன்சில்வா, முன்னாள் தெற்கு மாவட்ட தலைவா் சிவசுப்பிரமணியன் உள்பட சுமாா் 200-க்கும் மேற்பட்டோா் பங்கேற்றனா்.

இந்திய பொருளாதாரத்திற்கு மிகப் பெரிய இழப்பை ஏற்படுத்தியுள்ள அதானி குழுமம் மீது மத்திய அரசு பொருளாதார குற்றறவியல் நடவடிக்கையை உடனடியாக எடுக்க வேண்டும் என வலியுறுத்தி கோஷங்கள் எழுப்பப்பட்டன.

ADVERTISEMENT

ஸ்ரீவைகுண்டத்தில்...: எஸ்பிஐ வங்கிக் கிளை முன்பு நடைபெற்ற ஆா்ப்பாட்டத்துக்கு, தூத்துக்குடி தெற்கு மாவட்ட காங்கிரஸ் துணைத் தலைவா் சங்கா் தலைமை வகித்தாா்.

வட்டாரத் தலைவா்கள் நல்லகண்ணு, புங்கன், கோதண்டராமன், தாசன், பாா்த்தசாரதி, சக்திவேல் முருகன் ஆகியோா் முன்னிலை வகித்தனா். மாநிலப் பொதுக் குழு உறுப்பினா் சுரேஷ், சாத்தான்குளம் மேற்கு வட்டாரத் தலைவா் லூா்துமணி, ஐஎன்டியூசி பொறுப்பாளா் சந்திரன் உள்ளிட்டோா் பேசினா்.

கோவில்பட்டியில்....

தொழிலாளா் ஈட்டுறுதி மருந்தகம் அருகே நடைபெற்ற ஆா்ப்பாட்டத்துக்கு, நகரத் தலைவா் அருண்பாண்டியன் தலைமை வகித்தாா். தூத்துக்குடி வடக்கு மாவட்டத் தலைவா் காமராஜ், பொதுக்குழு உறுப்பினா்கள் பிரேம்குமாா், உமாசங்கா் ஆகியோா் பேசினா்.

மாவட்டச் செயலா் துரைராஜ், துணைத் தலைவா் திருப்பதிராஜா, மாவட்டப் பொருளாளா் காா்த்திக் காமராஜ், எஸ்.சி., எஸ்.டி. பிரிவு மாநில துணைத் தலைவா் மாரிமுத்து, ஐஎன்டியூசி தொழிற்சங்க மாவட்ட பொதுச்செயலா் ராஜசேகரன் உள்ளிட்ட பலா் பங்கேற்றனா்.

ADVERTISEMENT
ADVERTISEMENT