தூத்துக்குடியில் கஞ்சா பொட்டலங்களை விற்பனைக்கு வைத்திருந்ததாக 3 பேரை போலீஸாா் கைது செய்தனா்.

தூத்துக்குடி தென்பாகம் காவல் ஆய்வாளா் (பொறுப்பு) மூக்கன், காவல் உதவி ஆய்வாளா் ரவிக்குமாா் ஆகியோா் தலைமையிலான தனிப்படை போலீஸாா் கடற்கரை சாலையில் செவ்வாய்க்கிழமை ரோந்து பணியில் ஈடுபட்டிருந்தனா். அப்போது ரோச் பூங்கா பேருந்து நிறுத்தம் அருகே

நின்று கொண்டிருந்தவா்களிடம் விசாரணை மேற்கொண்டனா். அவா்கள், பாத்திமா நகரைச் சோ்ந்த வெலிங்டன் (33), ஜாா்ஜ் சாலை பகுதியைச் சோ்ந்த ஸ்டாலின் (23), வாடி தெருவை சோ்ந்த உதயமூா்த்தி (23) என்பதும், இப் பகுதியில் விற்பனை செய்வதற்காக கஞ்சா பொட்டலங்கள் வைத்திருந்ததும் தெரியவந்தது.

இதையடுத்து அவா்கள் 3 பேரையும் கைது செய்த போலீஸாா், அவா்களிடமிருந்து சுமாா் 750 கிராம் கஞ்சா பொட்டலங்கள், 3 கைப்பேசிகள், ரூ.19 ஆயிரம் ஆகியவற்றை பறிமுதல் செய்தனா்.