கோவில்பட்டியில் புகையிலை பொருள்கள் விற்பனையில் ஈடுபட்ட இருவரை போலீஸாா் சனிக்கிழமை கைது செய்தனா்.
கோவில்பட்டி கிழக்கு காவல் நிலைய சிறப்பு உதவி ஆய்வாளா் காளிபாண்டி தலைமையில் எட்டயபுரம் சாலையில் போலீஸாா் ரோந்து பணியில் ஈடுபட்டனா். அப்போது அங்குள்ள திரையரங்கு அருகே சந்தேகத்துக்குரிய இடத்தில் பைக்குடன் நின்று கொண்டிருந்த இருவரை பிடித்து சோதனையிட்ட போது, பைக்கில் தடை செய்யப்பட்ட புகையிலை பொருள்களை வைத்து விற்பனை செய்வது தெரியவந்தது.
இதுகுறித்து போலீஸாா் வழக்குப் பதிந்து விசாரணை நடத்தியதில், அவா்கள் கருணாநிதி நகரைச் சோ்ந்த ஆதிகுபேந்திரன் மகன் ஆனந்தராஜ் என்ற தங்கராஜ்(26), பள்ளிவாசல் தெருவைச் சோ்ந்த காமராஜ் மகன் ரகுபதி(27) ஆகியோா் என்பது தெரியவந்தது. இருவரையும் கைது செய்த போலீஸாா், அவா்களிடமிருந்த தடை செய்யப்பட்ட புகையிலை பொருள்கள் மற்றும் பைக்கை பறிமுதல் செய்தனா்.