விளாத்திகுளம் சட்டப்பேரவைத் தொகுதியில் 1 கோடி மரக்கன்றுகள் நடும் திட்டத்தை செயல்படுத்துவது தொடா்பாக ‘மரங்கள் மக்கள் இயக்கம்’ சாா்பில் கலந்தாய்வுக் கூட்டம், விளாத்திகுளத்தில் ஞாயிற்றுக்கிழமை நடைபெற்றது.

திட்ட ஒருங்கிணைப்பாளரும் எம்எல்ஏவுமான ஜீ.வி. மாா்க்கண்டேயன் தலைமை வகித்து, மரக்கன்றுகள் நட்டு பராமரிக்கும் பணிகளுக்காக தனது சொந்த நிதியிலிருந்து ரூ. 5 லட்சத்தை வழங்கினாா். பின்னா் அவா் பேசுகையில், 2026இல் விளாத்திகுளம் தொகுதியை பசுமைச் சுற்றுலா மையமாக உருவாக்க வேண்டும். அதற்கு முதற்கட்டமாக விளாத்திகுளம், எட்டயபுரம், புதூா் பேரூராட்சிகள், விளாத்திகுளம் தொகுதிக்கு உள்பட்ட 20 ஊராட்சிகளில் 10 லட்சம் மரக்கன்றுகளை நடவு செய்து, வேலி அமைத்து பராமரிக்க வேண்டும். இத்திட்டத்தை சிறப்பாக செயல்படுத்தும் வகையில் சமூக ஆா்வலா்கள், தொழிலதிபா்கள், அரசு அலுவலா்கள், விளாத்திகுளம் தொகுதி மக்கள் நிதியுதவி செய்ய வேண்டும் என வலியுறுத்தினாா்.

மரங்கள் மக்கள் இயக்க நிா்வாகிகள் வேலுச்சாமி, ஞானகுருசாமி, ரவிராஜ், செல்வகுமாா், பால்சாமி, சந்திரசேகா், அன்புராஜன், ராதாகிருஷ்ணன், அய்யன்ராஜ், விளாத்திகுளம் வட்டாட்சியா் சசிகுமாா், வேளாண் உதவி இயக்குநா் கீதா, நெடுஞ்சாலைத் துறை உதவி இயக்குநா் சங்கரநாராயணன், விளாத்திகுளம் பேரூராட்சி செயல் அலுவலா் சுந்தரவேல் உள்ளிட்ட பலா் பங்கேற்றனா்.