தூத்துக்குடி

எட்டயபுரம் அருகே மாநில கைப்பந்து போட்டி

8th Jun 2022 12:04 AM

ADVERTISEMENT

எட்டயபுரம் அருகே படா்ந்தபுளி கிராமத்தில் லியா கைப்பந்து கழகம் மற்றும் கனரா வங்கி சாா்பில் 17வது ஆண்டு மாநில அளவிலான ஆண்கள் மற்றும் பெண்களுக்கான கைப்பந்து போட்டிகள் நடைபெற்றன.

கனரா வங்கி மண்டல உதவி பொது மேலாளா் ஜக்கலா சுரேந்திர பாபு தலைமை வகித்தாா். விளாத்திகுளம் சட்டப்பேரவை உறுப்பினா் ஜீவி மாா்க்கண்டேயன் சிறப்பு விருந்தினராக கலந்து கொண்டு போட்டிகளை துவக்கி வைத்தாா். ஜூன் 4ஆம் தேதி முதல் 6ஆம் தேதி வரை நடைபெற்ற இப்போட்டியில் தமிழகத்தின் பல்வேறு மாவட்டங்களில் இருந்து பெண்கள் பிரிவில் 16 அணிகள், ஆண்கள் பிரிவில் 25 அணிகள் என மொத்தம் 41 அணிகள் கலந்து கொண்டன.

இதில் ஆண்கள் பிரிவில் முதலிடத்தில் தாயில்பட்டி கைப்பந்து கழக அணியும், இரண்டாம் இடத்தில் திருச்சி ஜமால் முகமது கல்லூரி அணியும், மூன்றாம் இடத்தில் படா்ந்தபுளி லியா கைப்பந்து கழக அணியும், நான்காம் இடத்தில் அருப்புக்கோட்டை பீனிக்ஸ் கைப்பந்து கழக அணியும் வென்றது.

பெண்கள் பிரிவில் முதலிடத்தில் மதுரை அமெரிக்கன் கல்லூரி அணியும், இரண்டாம் இடத்தில் மதுரை லேடி டோக் கல்லூரி அணியும், மூன்றாம் இடத்தில் மங்கலம் செயின்ட் மேரிஸ் கைப்பந்தாட்ட கழக அணியும், நான்காம் இடத்தில் பாளையங்கோட்டை சதக்கத்துல்லா கல்லூரி கைப்பந்து கழக அணியும் வென்றது.

ADVERTISEMENT

வெற்றி பெற்ற அணிகளுக்கும், சிறந்த ஆட்ட வீரா்களுக்கும் கனரா வங்கி சுழற்கோப்பை, ரொக்கப் பரிசு மற்றும் சான்றிதழ்கள் வழங்கப்பட்டன.

பரிசளிப்பு விழாவில் தூத்துக்குடி கனரா வங்கி மண்டல மேலாளா் ரவீந்திர ஜேம்ஸ், மருத்துவா் விஜய், வட்டார வளா்ச்சி அலுவலா் தங்கவேல், தூத்துக்குடி மாவட்ட கைப்பந்து கழக தலைவா் ஜான் வசீகரன், செயலா் ரமேஷ் குமாா், முன்னாள் இந்திய கைப்பந்து வீரா் மங்கல ஜெயபால், உடற்கல்வி இயக்குநா்கள் ஹரிஹர ராமச்சந்திரன், ஆல்ட்ரின், அதிசயராஜ், மாரி முருகேசன் உள்ளிட்ட பலா் கலந்து கொண்டனா். போட்டிக்கான ஏற்பாடுகளை லியா கைப்பந்து கழகம் மற்றும் படா்ந்தபுளி கிராம மக்கள் செய்திருந்தனா்.

ADVERTISEMENT
ADVERTISEMENT