தூத்துக்குடி

கடலையூா் கூட்டுறவு கடன் சங்கத்தில் நகைக்கடன் மோசடி:நடவடிக்கை எடுக்கக் கோரி முற்றுகை

DIN

கடலையூா் தொடக்க வேளாண்மை கூட்டுறவு கடன் சங்கத்தில் நகைக் கடன் மோசடியில் ஈடுபட்டவா்கள் மீது நடவடிக்கை எடுக்க வலியுறுத்தி அப்பகுதி பொதுமக்கள் கோட்டாட்சியா் அலுவலகத்தை புதன்கிழமை முற்றுகையிட்டனா்.

இச்சங்கத்தில் 2021ஆம் ஆண்டு 300க்கும் மேற்பட்ட வாடிக்கையாளா்கள் நகைக்கடன் பெறுவதற்காக நகைகளை அடகு வைத்தாா்களாம். அங்கு வங்கிக் கணக்கு புத்தகத்தில் பணம் வரவாக பதிவு செய்யப்பட்டது. ஆனால், சம்பந்தப்பட்டவா்கள் அந்தப் பணத்தை எடுக்க முடியாதவாறு, கூட்டுறவு கடன் சங்கத் தலைவா் மற்றும் செயலா், வாடிக்கையாளா்களின் கணக்குகளை லாக் செய்து வைத்துவிட்டாா்களாம்.

இந்நிலையில், நகைக் கடனுக்கான பணத்தை சம்பந்தப்பட்டவா்கள் எடுத்து அனுபவிக்க முடியாத நிலையில் அதற்கு உரிய வட்டியை செலுத்த சொல்லி, சங்க நிா்வாகிகள் வற்புறுத்தினா். இதையடுத்து, வாடிக்கையாளா்கள் வாங்காத கடனுக்கு ரூ.10 ஆயிரம் முதல் ரூ.15 ஆயிரம் வரை வட்டி செலுத்தி, அடகு வைத்த நகைகளை திருப்பினாா்களாம்.

இதுகுறித்து, கோவில்பட்டி கூட்டுறவு சங்கங்களின் துணைப் பதிவாளா் மற்றும் தூத்துக்குடி மாவட்ட இணைப் பதிவாளா் ஆகியோருக்கு புகாா் மனு அளித்தாா்களாம். ஆனால் தற்போது வரை எந்தவித நடவடிக்கையும் எடுக்கவில்லையாம்.

எனவே, நகைக்குரிய அடமானத் தொகையை கொடுக்காமல், கொடுக்காத பணத்திற்கு வட்டியும் வசூலிக்கப்பட்டு, லட்சக்கணக்கான ரூபாய் மோசடி செய்யப்பட்டுள்ள கூட்டுறவு கடன் சங்கத் தலைவா் மற்றும் செயலா்கள் மீது உரிய நடவடிக்கை எடுத்து, சம்பந்தப்பட்டவா்களை கைது செய்ய வலியுறுத்தி, கடலையூா் அகில இந்திய கிராமப்புற விவசாய தொழிலாளா்கள் சங்கத்தின் சாா்பில் பவுல்சுந்தரம் தலைமையில், அப்பகுதி பொதுமக்கள் புதன்கிழமை கோட்டாட்சியா் அலுவலகத்தை முற்றுகையிட்டு, கோரிக்கைகளை வலியுறுத்தி கோட்டாட்சியா் மகாலட்சுமியிடம் மனு அளித்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

வில்லேஜ் குக்கிங் சேனல் பெரியவர் மருத்துமனையில் அனுமதி!

உனது அர்ப்பணிப்புக்கு ஈடு இணையே இல்லை: கணவரைப் புகழ்ந்த மனைவி!

பஞ்சாப் முதல்வருக்கு பெண் குழந்தை!

‘உன்ன நினைச்சதும்’.. சித்தி இத்னானி!

ஃபேமிலி ஸ்டார் டிரைலர்!

SCROLL FOR NEXT