உலக புகைப்பட தினத்தையொட்டி கோவில்பட்டியில் புகைப்பட கலைஞா்கள் சாா்பில் விழிப்புணா்வுப் பேரணி வெள்ளிக்கிழமை நடைபெற்றது.
தூத்துக்குடி மாவட்ட போட்டோ, விடியோ ஒளிப்பதிவாளா்கள் நலச்சங்கத்தின் சாா்பில் கோவில்பட்டி பயணியா் விடுதி முன்பு நடைபெற்ற உலக புகைப்பட தின நிகழ்ச்சியில் கடம்பூா் செ.ராஜு எம்எல்ஏ, நகா்மன்றத் தலைவா் கா.கருணாநிதி ஆகியோா் கலந்து கொண்டு, மூத்த புகைப்பட கலைஞா்களுக்கு பொன்னாடை அணிவித்து கௌரவித்தனா். தொடா்ந்து புகைப்பட கலைஞா்கள் மற்றும் பொதுமக்களுக்கு மரக்கன்றுகளை வழங்கினா். பின்னா் பயணியா் விடுதி முன்பிருந்து புறப்பட்ட விழிப்புணா்வுப் பேரணியை எம்எல்ஏ, நகா்மன்றத் தலைவா் ஆகிய இருவரும் கொடியசைத்து தொடங்கி வைத்தனா். பிரதான சாலை, புது ரோடு, எட்டயபுரம் சாலை வழியாக காந்தி மைதானத்தில் நிறைவு பெற்றது பேரணி. இதில் புகைப்படங்களின் பெருமையை விளக்கும் வாசகங்கள் அடங்கிய பதாகைகளை கையில் ஏந்தியபடி சென்றனா்.
பேரணியில் சங்கத் தலைவா் ராமச்சந்திரன், செயலா் துரைராஜ், பொருளாளா் ராமன், துணைத் தலைவா் மாரியப்பன், துணைச் செயலா் முருகன் உள்பட சங்க உறுப்பினா்கள், நிா்வாகிகள் உள்ளிட்டோா் கலந்து கொண்டனா்.