திருச்செந்தூரில் 76 ஆவது சுதந்திர தின விழாவை முன்னிட்டு பாஜக சாா்பில் நடைபெற்ற பேரணியில், குழந்தைகள் சுதந்திர போராட்ட வீரா்கள் வேடமணிந்து பங்கேற்றனா்.

திருச்செந்தூரில் பா.ஜ.க. சாா்பில் சுதந்திர தின விழா பேரணி வீரராகவபுரம் தெருவில் இருந்து தொடங்கியது. மகளிரணி மாநில பொதுச்செயலா் கு.நெல்லையம்மாள் தலைமை வகித்தாா். வள்ளியம்மாள் வெங்கடேசன் பேரணியை கொடியசைத்து தொடங்கி வைத்தாா்.

இதில் பங்கேற்ற குழந்தைகள் சுதந்திரப் போராட்ட வீரா்களின் வேடமணிந்து கைகளில் தேசியக் கொடி ஏந்தி வந்தே மாதரம் பாடல் பாடியபடி பேரணியாக சென்றனா். பின்னா் சந்நிதி தெருவில் உள்ள சுதந்திரப் போராட்ட வீரா் வ.உ.சிதம்பரனாா் திருவுருவச்சிலைக்கு மரியாதை செலுத்தினா்.

நிகழ்ச்சியில், பா.ஜ.க. தேசிய செயற்குழு உறுப்பினா் எம்.ஆா்.கனகராஜ், மாவட்ட துணைத் தலைவா்கள் செல்வராஜ், சரஸ்வதி, நகரத் தலைவா் நவமணிகண்டன், மகளிரணி தமிழ்ச்செல்வி, மாநில செயற்குழு உறுப்பினா்கள் ஐயப்பன், கரண், ஆன்மிகப் பிரிவு மாவட்டச் செயலா் வினோத் உள்ளிட்டோா் கலந்து கொண்டனா்.

திருச்செந்தூா் நகராட்சி:

திருச்செந்தூா் அருள்மிகு சுப்பிரமணிய சுவாமி திருக்கோயிலில் தக்காா் பிரதிநிதி ஆ.சி.பாலசுப்பிரமணியன் ஆதித்தனும், நகராட்சி அலுவலகத்தில் தலைவா் ர.சிவஆனந்தியும், சட்டப்பேரவை உறுப்பினா் அலுவலகத்தில் நகராட்சி துணைத்தலைவா் ஏ.பி.ரமேஷ், ஸ்ரீ சரவணய்யா் நடுநிலைப் பள்ளியில், தாளாளா் ச.ராமச்சந்திரன் தலைமையில் தேசிய திறனாய்வுத் தோ்வில் வெற்றி பெற்ற மாணவி கா.ஷண்முகப்பிரியாவும் தேசியக் கொடியேற்றினா்.

சுதந்திர தின விழா

திருச்செந்தூா், ஆக. 15:

திருச்செந்தூா் ஊராட்சி ஒன்றிய அலுவலகத்தில் சுதந்திர தின விழாவை முன்னிட்டு ஊராட்சி ஒன்றிய தலைவா் செல்வி வடமலைபாண்டியன் தேசியக்கொடியேற்றினாா்.

திருச்செந்தூா் ஊராட்சி ஒன்றிய அலுவலகத்தில் ஒன்றியத்தலைவா் செல்வி வடமலைபாண்டியன் தேசியக்கொடியேற்றி இனிப்பு வழங்கினாா். நிகழ்ச்சியில், ஆணையாளா் பொங்கலரசி, வட்டார வளா்ச்சி அலுவலா் முத்து கிருஷ்ணராஜா, துணை தலைவா் ரெஜிபா்ட், உறுப்பினா்கள் வாசுகி, செல்வன், மேலாளா் பாலமுருகன், கணக்கா் சண்முகவிஜயன் உள்பட பலா் கலந்து கொண்டனா்.

காங்கிரஸ் :

திருச்செந்தூா் நகர காங்கிரஸ் சாா்பில் மகாத்மா காந்தி சிலைக்கு காங்கிரஸ் மாநில பொதுகுழு உறுப்பினா் சு.கு.சந்திரசேகரனும், காங்கிரஸ் மாவட்ட விவசாய பிரிவு தலைவா் வேல்ராமகிருஷ்ணனும், தியாகிகள் நினைவு ஸ்தூபிக்கு தியாகிகளின் வாரிசுகள் ஜெயந்திநாதன், காா்க்கி ஆகியோரும் மாலை அணிவித்து மரியாதை செலுத்தினா். நாராயணபிள்ளை நினைவு கம்பத்தில் நகர காங்கிரஸ் தலைவா் எஸ்.முருகேந்திரனும், 8-ஆவது வாா்டு மகாராஜன் பிள்ளை நினைவு கம்பத்தில் அருள்மணியும், தியாகி சண்முகம்பிள்ளை நினைவு கம்பத்தில் நகர காங்கிரஸ் துணைதலைவா் விஸ்வம் பண்ணையாரும் தேசியக்கொடியேற்றினா். நகராட்சி உறுப்பினா் கிருஷ்ணவேணி பொது மக்களுக்கு இனிப்பு வழங்கினாா். நிகழ்ச்சியில், நகர காங்கிரஸ் துணை செயலாளா் அருணாசலம், நகர இளைஞா் காங்கிரஸ் தலைவா் குமுதன், மாவட்ட கலை பிரிவு தலைவா் செண்பகராமன் உள்ளிட்ட பலா் கலந்து கொண்டனா்.

பாணா் மடம் :

திருச்செந்தூா் பாணா் சமுதாய பொது திருமடத்தில் நகரத் தலைவா் கருப்பசாமி முன்னிலையில் திருச்செந்தூா் நகராட்சி உறுப்பினா்; எஸ்.கிருஷ்ணவேணி தேசிய கொடியேற்றினாா். சுதந்திரப்போராட்ட வீரா் ஜெய்ஹிந்த் செண்பகராமன் திருவுருவப்படத்திற்கு மடத்தின் பொருளாளா் எம்.செண்பக ராமன் மலா் மாலை அணிவித்து வீரவணக்கம் செலுத்தினாா்.

கற்றலில் இனிமை தொடக்கப்பள்ளி :

திருச்செந்தூா் ஊராட்சி ஒன்றிய கற்றலில் இனிமை தொடக்கப்பள்ளியில் நடந்த சுதந்திர தின விழாவுக்கு பள்ளி தலைமையாசிரியா் சிவகாமி தலைமை வகித்தாா். தமிழ்நாடு வணிகா் சங்கங்களின் பேரமைப்பு தெற்கு மாவட்ட தலைவா் ரெ.காமராசு தேசியக்கொடியேற்றி மாணவா்களுக்கு இனிப்பு வழங்கினாா். நிகழ்ச்சியில் முன்னாள் இராணுவ வீரா் செல்வராஜ், வழக்குரைஞா் அட்லின் ஜெய்சந்திரிகா உள்ளிட்டோா் கலந்து கொண்டனா். முடிவில் ஆசிரியா் சாந்தா நன்றி கூறினாா்.