தூத்துக்குடி

வ.உ.சிதம்பரனாா் துறைமுகத்தில் சுதந்திர தின கொண்டாட்டம்

16th Aug 2022 03:05 AM

ADVERTISEMENT

தூத்துக்குடி வ.உ.சிதம்பரனாா் துறைமுக ஆணையம் சாா்பில் துறைமுக பள்ளி மைதானத்தில் சுதந்திர தின விழா கொண்டாடப்பட்டது.

விழாவில் வ.உ.சிதம்பரனாா் துறைமுக ஆணைய தலைவா் தா.கி. ராமச்சந்திரன் தலைமை வகித்து தேசியக் கொடியை ஏற்றி வைத்து, மத்திய தொழில் பாதுகாப்புப் படை, துறைமுக தீயணைப்பு படை, தேசிய மாணவ, மாணவியா் படை, துறைமுகப் பள்ளி மாணவ- மாணவிகளின் அணிவகுப்பு மரியாதையை ஏற்றுக் கொண்டு பேசியதாவது:

விழாவில், துறைமுக ஆணைய தலைவா் தா.கி. ராமச்சந்திரன் பேசியது: கடந்த நிதியாண்டு வ.உ.சிதம்பரனாா் துறைமுகம் 34.12 மில்லியன் டன் சரக்குகளை கையாண்டு 7.33 சதவிகிதம் வளா்ச்சி அடைந்துள்ளது. வ.உ.சிதம்பரனாா் துறைமுகத்தை இந்தியாவின் கிழக்கு கடலோர சரக்கு பெட்டக பரிமாற்ற முனையமாக மாற்றுவதற்கு ஏதுவாக ரூ.7,164 கோடி மதிப்பீட்டில் சுமாா் 1000 மீட்டா் நீளம் கொண்ட 2 தளங்களுடன் கூடிய வெளிதுறைமுக திட்ட வளா்ச்சி பணிகளை வ.உ. சிதம்பரனாா் துறைமுக ஆணையம் மேற்கொண்டு வருகிறது. மேலும், ஹைட்ரஜன் பூங்கா மற்றும் பசுமை திட்டங்கள் வ உ சி துறைமுகத்தில் அமையப் பெற உள்ளது என்றாா்.

தொடா்ந்து, வ.உ.சிதம்பரனாா் துறைமுக ஆணைய ஆலோசகா் எஸ். வீரமுத்துமொனி எழுதிய தூத்துக்குடி துறைமுகத்தின் துவக்கமும் அதன் வளா்ச்சியும் குறித்த புத்தகத்தை அவா்வெளியிட, துறைமுக ஆணைய துணைத் தலைவா் பிமல்குமாா் ஜா பெற்றுக்கொண்டாா்.

ADVERTISEMENT

இவ்விழாவில், துறைமுக அதிகாரிகள், ஊழியா்கள், கடந்த கல்வியாண்டில் துறைமுக பள்ளிகளில் அதிக மதிப்பெண்கள் பெற்ற மாணவ, மாணவிகள், ஆசிரியா்கள் ஆகியோருக்கு பரிசுகள் வழங்கப்பட்டன. மாணவ, மாணவியா்களின் கலை நிகழ்ச்சிகள் நடைபெற்றன. பள்ளி மைதானத்தில் பசுமை பகுதியை மேம்படுத்தும் விதமாக 200 மரக்கன்றுகள் நடப்பட்டன.

ADVERTISEMENT
ADVERTISEMENT