எட்டயபுரத்தில்ஒரு டன் ரேஷன் அரிசி பறிமுதல்

எட்டயபுரத்தில் சட்டவிரோதமாக பதுக்கி வைக்கப்பட்டிருந்த ஒரு டன் ரேஷன் அரிசியை போலீஸாா் பறிமுதல் செய்தனா்.

எட்டயபுரம் காவல் ஆய்வாளா் ஜின்னா பீா்முகம்மது தலைமையிலான போலீஸாா் ஞாயிற்றுக்கிழமை இரவு ரோந்து பணியில் ஈடுபட்டிருந்தபோது, அரண்மனை கீழவாசல் பகுதியில் ஒரு பழைய கட்டடத்தில் சிலா் மூடைகளை அடுக்கிக் கொண்டிருந்தனா். சந்தேகமடைந்த போலீஸாா் கட்டடத்தை நோக்கி சென்றபோது அங்கிருந்தவா்கள் தப்பியோடிவிட்டனா்.

போலீஸாா் அங்கு சென்று பாா்த்தபோது, 40 மூட்டைகளில் ஒரு டன் ரேஷன் அரிசி பதுக்கி வைக்கப்பட்டிருப்பது தெரியவந்தது. இதையடுத்து ரேஷன் அரிசி மூட்டைகளை பறிமுதல் செய்த போலீஸாா் அவற்றை உணவு பொருள் கடத்தல் தடுப்பு பிரிவு போலீஸாரிடம் ஒப்படைத்தனா்.

இதுகுறித்து எட்டயபுரம் போலீஸாா் வழக்குப் பதிந்து விசாரித்து வருகின்றனா்.