தூத்துக்குடி

தொலைத்தொடா்பு கோபுரத்தில் பாகங்கள் திருட்டு: 4 போ் கைது

2nd Apr 2022 07:35 AM

ADVERTISEMENT

எட்டயபுரம் அருகே தொலைத்தொடா்பு கோபுரத்திலிருந்து பாகங்களை திருடிய 4 பேரை போலீஸாா் கைது செய்தனா்.

எட்டயபுரம் அருகே கழுகாசலபுரம் ஜெயராமனுக்கு சொந்தமான இடத்தில் தனியாா் கைப்பேசி தொலைத்தொடா்பு கோபுரம் உள்ளது. இந்த கோபுரம் தற்போது சேவையின்றி உள்ளது. கடந்த சில நாள்களுக்கு முன் இக்கோபுரத்தில் இருந்த பேட்டரிகள், ஜெனரேட்டரின் உள் பாகங்கள், வயா்கள் உள்ளிட்டவை திருடு போனதாம்.

இந்நிலையில் வியாழக்கிழமை இரவு சிலா் தொலைத்தொடா்பு கோபுரத்தில் ஏறி அதன் பாகங்களை கழட்டி கொண்டிருந்தனராம். இது குறித்து ஜெயராம், கைப்பேசி நிறுவன ஊழியா் ஜாகிா் உசேனுக்கு தகவல் தெரிவித்தாா். அஇவா் அங்கு வந்து பாா்த்த போது 4 போ், தொலைத்தொடா்பு கோபுரத்திலிருந்து திருடிய பாகங்களை சுமை வாகனத்தில் ஏற்றுக் கொண்டிருந்தனா்.

அவா்களை சுற்றிவளைத்து விசாரித்துக் கொண்டிருந்தபோது, 3 போ் தப்பியோடினா். இதையடுத்து ஜமீன் இலந்தைகுளத்தைச் சோ்ந்த மணிகண்டனை (32) பிடித்து எட்டயபுரம் காவல் நிலையத்தில் ஒப்படைத்தனா். இச்சம்பவம் தொடா்பாக எட்டயபுரம் காவல் போலீஸாா் வழக்குப் பதிந்து மணிகண்டனை கைது செய்தனா். அவரிடம் மேற்கொண்ட விசாரணையில் தப்பியோடிய மீனாட்சிபுரத்தைச் சோ்ந்த சசிகுமாா்(35), தென்காசி மாவட்டம் சிவகிரி பாறைப்பட்டியைச் சோ்ந்த சின்னத்துரை(43), சங்கரேஸ்வரன்(31) ஆகியோரை போலீஸாா் கைது செய்தனா். மேலும் திருட்டுக்கு பயன்படுத்தப்பட்ட சுமை வாகனம் மற்றும் 2 மோட்டாா் சைக்கிள்களையும் பறிமுதல் செய்தனா்.

ADVERTISEMENT

ADVERTISEMENT
ADVERTISEMENT