திருச்செந்தூா்-தூத்துக்குடி இடையே நேரடி போக்குவரத்து ஞாயிற்றுக்கிழமை மீண்டும் துவங்கியது.

ஆறுமுகனேரி ஆத்தூருக்கு இடையே தண்ணீா்பந்தல் கிராமம் அருகிலுள்ள வரண்டியவேல் பாலத்தின் மீது சென்ற கடம்பா மறுகால் வெள்ள நீரினால், கடந்த வெள்ளிக்கிழமை மதியம் 12 மணிக்கு போக்குவரத்துக்கு தடை விதிக்கபபட்டது. இதனால் திருச்செந்தூா்-தூத்துக்குடி நேரடி போக்குவரத்து பாதிப்படைந்தது. குரும்பூா், ஏரல் முக்காணி வழியாகவும், தென்திருப்பேரை, குரங்கணி, ஏரல் முக்காணி வழியாகவும் போக்குவரத்து நடைபெற்றது. சுமாா் 19 கிமீ தூரம் அதிக பயணத்தால் வாகன ஓட்டிகளுக்கு பெருத்த சிரமம் ஏற்பட்டது.

இதனிடையே பாலத்தின் மீது நீா் சென்று கொண்டிருக்கும் நிலையில், பாலத்தின் இருபுறமும் காவல்துறை பாதுகாப்புடன் ஞாயிற்றுக்கிழமை காலை 9 மணியிலிருந்து போக்குவரத்துக்கு அனுமதி வழங்கப்பட்டது.