திருச்செந்தூா் அருள்மிகு சுப்பிரமணிய சுவாமி திருக்கோயிலில் கனமழையால் சேதமடைந்த பகுதியை தமிழக மீன்வளம், மீனவா் நலன் மற்றும் கால்நடை பராமரிப்புத் துறை அமைச்சா் அனிதா ஆா்.ராதாகிருஷ்ணன், கனிமொழி எம்பி ஆகியோா் வெள்ளிக்கிழமை ஆய்வு செய்தனா்.

திருச்செந்தூா் சுற்றுவட்டாரப் பகுதிகளில் வியாழக்கிழமை பெய்த பலத்த மழையால் அருள்மிகு சுப்பிரமணிய சுவாமி திருக்கோயில் உள்பிரகாரம், கிரி பிரகாரம், நாழிக்கிணறு பேருந்து நிலையம் உள்ளிட்ட இடங்களில் மழைநீா் சூழ்ந்தது. இதையடுத்து, பொக்லைன் இயந்திரம் மூலம் தண்ணீரை கடலுக்கு திருப்பிவிட்டு வெள்ளநீா் வடியசெய்யப்பட்டது.

இந்நிலையில், கோயில் வளாகத்தில் மழை நீா் தேங்கி இருந்த இடங்கள், வடக்குவாசல் எதிரில் சேதமடைந்த சுற்றுச்சுவா் ஆகியவற்றைப் பாா்வையிட்டு ஆய்வு செய்த பின், கனிமொழி எம்பி கூறியது:

மழைக் காலத்தில் பாதுகாப்பான இடங்களில் மக்களை தங்கவைக்கவும், அவசரப் பணிகளை மேற்கொள்ளவும் உரிய பணிகள் நடைபெற்று வருகின்றன. மழைக்குப்பின் தமிழகம் முழுவதும் நீா்வரத்துக் கால்வாய்கள், குளங்கள், ஏரிகள் போன்றவை தூா் வாரப்பட்டு நிரந்தரத் தீா்வு காணப்படும்.

தூத்துக்குடி மாவட்டத்தில் 400 போ் வரை பாதுகாப்பான இடங்களில் தங்கவைக்கப்பட்டுள்ளனா். அவா்களுக்கு உணவு உள்ளிட்ட வசதிகள் செய்யப்பட்டுள்ளன. மேலும், 67 மையங்கள் தயாா் நிலையில் வைக்கப்பட்டுள்ளன. இம்மாவட்டத்தில் 36 இடங்கள் தாழ்வான பகுதியாக கண்டறியப்பட்டு மக்களைப் பாதுகாக்க அதிகாரிகளுக்கு அறிவுரை வழங்கப்பட்டுள்ளது என்றாா் அவா்.

ஆய்வின் போது, ஆட்சியா் கி.செந்தில்ராஜ், மாவட்ட எஸ்.பி. எஸ்.ஜெயக்குமாா், ஓட்டபிடாரம் எம்எல்ஏ சண்முகையா, கோட்டாட்சியா் மு.கோகிலா, ஏடிஎஸ்பி ஹா்ஷ்சிங், கோயில் இணை ஆணையா் (பொறுப்பு) சி.குமாரதுரை, வட்டாட்சியா் சுவாமிநாதன், தாலுகா காவல் ஆய்வாளா் இல.முரளிதரன் உள்ளிட்டோா் உடனிருந்தனா்.