கோவில்பட்டி: தூத்துக்குடி மாவட்டம், கோவில்பட்டியில் ஆலைத் தொழிலாளியை கொலை செய்த மனைவி, காவல் நிலையத்தில் சரணடைந்தாா்.

கோவில்பட்டி லாயல் மில் காலனியை சோ்ந்த ஆதிலிங்கம் மகன் பிரபு (38). இவருக்கும், விளாத்திகுளம் கருப்பசாமி மகள் உமாமகேஷுக்கும் (30) 2013-ஆம் ஆண்டு திருமணம் நடைபெற்ாம். தம்பதிக்கு ஒரு மகன், மகள் உள்ளனா். இந்நிலையில், பிரபுவுக்கு வேறொரு பெண்ணுடன் தொடா்பு இருந்ததாகக் கூறப்படுகிறது. இதனால் தம்பதியிடையே அடிக்கடி தகராறு ஏற்படுமாம். வெள்ளிக்கிழமை இரவு தம்பதியிடையே மீண்டும் தகராறு ஏற்பட்டதாம். இதையடுத்து, பிரபு தூங்கச் சென்றுள்ளாா்.

இந்நிலையில், உமாமகேஷ் சனிக்கிழமை அதிகாலை பிரபுவை அரிவாளால் வெட்டினாராம். இதில் காயமடைந்த பிரபு வீட்டைவிட்டு வெளியே ஓடி வந்த நிலையில் கீழே விழுந்தாராம். பின்னா் சம்பவ இடத்திலேயே உயிரிழந்தாா். இதைத் தொடா்ந்து, உமாமகேஷ் கோவில்பட்டி கிழக்கு காவல் நிலையத்தில் சரணடைந்தாா்.

மாவட்ட காவல் கண்காணிப்பாளா் ஜெயகுமாா், துணைக் கண்காணிப்பாளா் கலைகதிரவன், கிழக்கு காவல் நிலைய ஆய்வாளா் சுதேசன் ஆகியோா் சம்பவ இடத்தைப் பாா்வையிட்டனா். இந்த சம்பவம் குறித்து போலீஸாா் வழக்குப் பதிந்து விசாரித்து வருகின்றனா்.