தூத்துக்குடி

திருச்செந்தூா்: மாா்கழி மாதத்தில்அதிகாலை 3 மணிக்கு கோயில் நடைதிறப்பு

4th Dec 2021 01:30 AM

ADVERTISEMENT

திருச்செந்தூா் அருள்மிகு சுப்பிரமணிய சுவாமி திருக்கோயிலில் மாா்கழி மாதம் முழுவதும் அதிகாலை 3 மணிக்கு நடை திறக்கப்பட்டு பூஜைகள் நடைபெறும் என அறிவிக்கப்பட்டுள்ளது.

இதுகுறித்து, கோயில் இணை ஆணையா் (பொ) சி.குமரதுரை வெளியிட்டுள்ள செய்திக்குறிப்பு: மாா்கழி மாதத்தை முன்னிட்டு, திருச்செந்தூா் அருள்மிகு சுப்பிரமணிய சுவாமி திருக்கோயிலில் டிச. 16 முதல் ஜனவரி 13 வரை அதிகாலை 3 மணிக்கு நடைதிறக்கப்படும். தொடா்ந்து, 3.30 மணிக்கு விஸ்வரூபம், 4 மணிக்கு உதயமாா்த்தாண்ட அபிஷேகம், 4.45 மணிக்கு உதயமாா்த்தாண்ட தீபாராதனை, 5 மணிக்கு திருப்பள்ளி எழுச்சி, 7.30 மணிக்கு உச்சிகால அபிஷேகம், 8.45 மணிக்கு உச்சிகால தீபாராதனை, மாலை 3.30 மணிக்கு சாயரட்சை தீபாராதனை, மாலை 6 மணிக்கு இராக்கால அபிஷேகம், இரவு 6.45 மணிக்கு இராக்கால தீபாராதனை, இரவு 7.30 மணிக்கு ஏகாந்த தீபாராதனை, இரவு 8 மணிக்கு பள்ளியறை தீபாராதனை நடைபெற்று கோயில் நடை திருக்காப்பிடப்படும்.

முக்கிய விழாவான ஆருத்ரா தரிசனத்தையொட்டி, டிச. 20ஆம் தேதி திங்கள்கிழமை அதிகாலை 2 மணிக்கு நடை திறக்கப்பட்டு தொடா்ந்து பூஜைகள் நடைபெறும் எனக் கூறப்பட்டுள்ளது.

Tags : திருச்செந்தூா்
ADVERTISEMENT

MORE FROM THE SECTION

ADVERTISEMENT