சாத்தான்குளம் ஒன்றியத்தின் பல பகுதிகளில் உள்ள பேருந்து பயணிகள் நிழற்குடைகள் இருக்கைகள் இன்றியும், சேதமடைந்தும் காணப்படுவதால் கிராம மக்கள் மிகுந்த சிரமத்திற்குள்ளாகி வருகின்றனா்.

நெடுங்குளம் ஊராட்சிக்குள்பட்ட மேட்டுக்குடியிருப்பு விலக்கு, நெடுங்குளம், செட்டிக்குளம் ஊராட்சிக்குள்பட்ட நொச்சிகுளம் விலக்கு, ஆழ்வாா்திருநகரி ஒன்றியம், மீரான்குளம் ஊராட்சிக்குள்பட்ட தோ்க்கன்குளம் ஆகிய பகுதிகளில் உள்ள பேருந்து பயணிகள் நிழற்குடைகளில் உள்ள இருக்கைகள் சேதமடைந்தும், இருக்கைகள் இன்றியும் காணப்படுகின்றன.

இதனால், மழை அல்லது அதிக வெயில் நேரங்களில் பேருந்து பயணிகள் மிகுந்த சிரமத்துக்குள்ளாகி வருகின்றனா்.

எனவே, அதிகாரிகள் ஆய்வு மேற்கொண்டு இருக்கைகள் இல்லாமல் காணப்படும் மேட்டுக்குடியிருப்பு, நெடுங்குளம், நொச்சிகுளம், தோ்க்கன்குளம் பகுதிகளில் உள்ள நிழற்குடைகளில் இருக்கைகள் அமைக்க நடவடிக்கை எடுக்க வேண்டும் என கிராம மக்கள் கோரிக்கை விடுத்துள்ளனா்.