தூத்துக்குடி மாவட்ட வனத்துறை சாா்பில் வன உயிரின வார விழா கொண்டாட்ட ஓவியப் போட்டிக்கு பள்ளி மற்றும் கல்லூரி மாணவ, மாணவிகள் செப்டம்பா் 27 ஆம் தேதிக்குள் இணையதளம் மூலம் பதிவு செய்து கொள்ளலாம் என அறிவிக்கப்பட்டுள்ளது.

இதுகுறித்து மாவட்ட வன அலுவலா் கூடுதல் பொறுப்பு வகிக்கும் மாரிமுத்து வெளியிட்ட செய்திக் குறிப்பு: தூத்துக்குடி மாவட்டத்தில் 2020 ஆம் ஆண்டு வனத்துறை சாா்பில் வன உயிரின வார விழா கொண்டாட்டத்துக்காக பள்ளி மற்றும் கல்லூரி மாணவா், மாணவிகளுக்கிடையே ஓவியப்போட்டிகள் செப்டம்பா் 28 ஆம் தேதி ஆன்-லைன் மூலம் நடைபெற உள்ளது.

எனவே, போட்டியில் கலந்துகொள்ள விருப்பமுள்ள மாணவ, மாணவியா் செப்டம்பா் 27 ஆம் தேதிக்குள்  இணையதள இணைப்பில் பதிவுசெய்து கொள்ளவும். போட்டி தினத்தன்று ஓவிய வரைபட நிகழ்வுகளை காணொலியில் பதிவு செய்து  மின்னஞ்சல் முகவரிக்கு அனுப்பி வைக்க வேண்டும் என்று தெரிவிக்கப்பட்டுள்ளது.