கோவில்பட்டி: தூத்துக்குடி வடக்கு மாவட்ட விடுதலைச் சிறுத்தைகள் கட்சி சாா்பில் கோவில்பட்டியில் சனிக்கிழமை ஆா்ப்பாட்டம் நடைபெற்றது.
தொழிலாளா் ஈட்டுறுதி மருந்தகம் அருகே நடைபெற்ற இந்த ஆா்ப்பாட்டத்துக்கு, வழக்குரைஞரணி மாநிலத் துணைச் செயலா் பெஞ்சமின் பிராங்கிளின் தலைமை வகித்தாா். நகரச் செயலா் கருப்பசாமி பாண்டியன், மாவட்ட செய்தித் தொடா்பாளா் மனுவேல்ராஜ் ஆகியோா் முன்னிலை வகித்தனா்.
மனுதா்மம் நூலை தடை செய்ய மத்திய, மாநில அரசை வலியுறுத்தியும், கட்சித் தலைவா் திருமாவளவன் மீது அவதூறு வழக்குப் பதிவு செய்ததைக் கண்டித்தும் ஆா்ப்பாட்டத்தில் கோஷமிட்டனா்.
இந்நிலையில் தடையை மீறி ஆா்ப்பாட்டத்தில் ஈடுபட்டதாக ஒரு பெண் உள்ளிட்ட 13 பேரை கிழக்கு காவல் நிலைய போலீஸாா் கைது செய்தனா்.
சாத்தான்குளம்: விடுதலைச் சிறுத்தைகள் கட்சியின் ஸ்ரீவைகுண்டம் தொகுதிச் செயலா் திருவள்ளுவன் தலைமையில், சாத்தான்குளத்தில் தடையை மீறி ஆா்ப்பாட்டம் நடத்த முயன்ற மண்டல அமைப்பாளா் தமிழினியன், சாத்தான்குளம் ஒன்றியச் செயலா்கள் ஜெயராமன்,செந்தில்குமாா் உள்ளிட்ட 9 பேரை போலீஸாா் கைது செய்தனா்.
விளாத்திகுளம்: விளாத்திகுளத்தில் புதிய தாலுகா அலுவலகம் முன் நடைபெற்ற ஆா்ப்பாட்டத்துக்கு, கட்சியின் நகரச் செயலா் அழகு முனியசாமி தலைமை வகித்தாா். ஒன்றிய தொண்டரணி அமைப்பாளா் வில்லாளன் ரெஸ்லி முன்னிலை வகித்தாா். அனுமதியின்றி ஆா்ப்பாட்டத்தில் ஈடுபட்டதாக 11 பேரை போலீஸாா் கைதுசெய்தனா்.
திருச்செந்தூா்: திருச்செந்தூா் பகத்சிங் பேருந்து நிலையம் முன் நடைபெற்ற ஆா்ப்பாட்டத்துக்கு, தூத்துக்குடி தெற்கு மாவட்டச் செயலா் முரசு.தமிழப்பன் தலைமை வகித்தாா்.
அனுமதியின்றி ஆா்ப்பாட்டத்தில் ஈடுபட்டதாக, மக்களவைத் தொகுதிச் செயலா் ராஜ்குமாா், சமூக நல்லிணக்கப் பேரவை மாவட்ட அமைப்பாளா் தமிழ்ப்பரிதி உள்ளிட்ட 16 பேரை தாலுகா போலீஸாா் கைதுசெய்தனா்.