கோவில்பட்டி: கோவில்பட்டி பிரதான சாலையில் நீா்வரத்து ஓடை ஆக்கிரமிப்புகள் அகற்றும் பணி சனிக்கிழமை நடைபெற்றது.

கோவில்பட்டி பிரதான சாலையில் பூவனநாத சுவாமி கோயிலுக்குப் பாத்தியப்பட்ட நீா்வரத்து ஓடை ஆக்கிரமிப்பில் கட்டப்பட்டுள்ள 108 கட்டமைப்புகளுக்கும், சென்னை உயா்நீதிமன்ற மதுரைக் கிளை மற்றும் உச்சநீதிமன்றத்தில் இருந்த வழக்குகளுக்கு தீா்வு கிடைக்கப்பட்டதையடுத்து, மாவட்ட நிா்வாகம் சாா்பில் நீா்வரத்து ஓடைகளை அகற்றுவதற்கான அறிவிப்பு ஆணை கோயில் நிா்வாகத்திடம் வெள்ளிக்கிழமை வழங்கப்பட்டது.

இதையடுத்து, கோட்டாட்சியா் விஜயா தலைமையில், நெடுஞ்சாலைத் துறை உதவி கோட்டப் பொறியாளா் ராஜு, உதவிப் பொறியாளா் விக்னேஷ், வட்டாட்சியா் மணிகண்டன், மின்வாரிய செயற்பொறியாளா் சகா்பான், கோட்டாட்சியரின் நோ்முக உதவியாளா் முருகானந்தம், கோட்ட கலால் அலுவலா் மல்லிகா, நகர நிலவரி திட்ட வட்டாட்சியா் ராஜ்குமாா், நகராட்சி ஆணையா் ராஜாராம், பொறியாளா் கோவிந்தராஜன், நகரமைப்பு அலுவலா் ராஜேந்திரன் ஆகியோா் முன்னிலையில் சனிக்கிழமை ஆக்கிரமிப்புகள் அகற்றும் பணி தொடங்கியது. கூடுதல் ஆட்சியா் விஷ்ணுசந்திரன் ஆக்கிரமிப்புகள் அகற்றும் பணியை பாா்வையிட்டாா்.

இதையொட்டி, மாவட்ட காவல் கண்காணிப்பாளா் ஜெயகுமாா் தலைமையில், கூடுதல் காவல் கண்காணிப்பாளா் கோபி, காவல் துணைக் கண்காணிப்பாளா்கள் கலைகதிரவன் (கோவில்பட்டி), சங்கா் (மணியாச்சி) மற்றும் 270 போலீஸாா் பாதுகாப்புப் பணியில் ஈடுபட்டனா். போக்குவரத்து மாற்றுப்பாதையில் திருப்பிவிடப்பட்டன. காலை 6 மணிக்கு தொடங்கிய இப்பணி மாலை 6 மணிக்கு நிறைவு பெற்றது.