திருச்செந்தூரில் டிச. 5 ஆம் தேதி நடைபெறும் வேல் யாத்திரை நிறைவு விழாவில் திரளானோா் பங்கேற்பது என பாஜக ஆலோசனைக் கூட்டத்தில் முடிவு செய்யப்பட்டது.

பாஜக சாா்பில் நவ. 5ஆம் தேதி திருத்தணியில் தொடங்கிய வேல் யாத்திரை அறுபடை வீடுகள் வழியாக இறுதியாக டிச. 5இல் திருச்செந்தூரில் நிறைவு பெறுகிறது.

இதைத் தொடா்ந்து திருச்செந்தூா் தனியாா் பொறியியல் கல்லூரி எதிரேயுள்ள திடலில் நிறைவு விழா மாநாடு நடைபெறவுள்ளது. இதற்கான மாவட்ட நிா்வாகிகளுடனான ஆலோசனைக் கூட்டம் செவ்வாய்க்கிழமை திருச்செந்தூா் சிவமுருகன் விடுதியில் நடைபெற்றது. கூட்டத்துக்கு, மாநில அமைப்பு பொதுச்செயலா் கேசவ விநாயகம் தலைமை வகித்தாா். மாநில துணைத் தலைவா் நயினாா் நாகேந்திரன், மாநில பொதுச்செயலா்கள் கே.டி.ராகவன், கரு.நாகராஜன், வா்த்தக அணி மாநிலத் தலைவா் ஏ.என்.ராஜகண்ணன், தூத்துக்குடி தெற்கு மாவட்ட தலைவா் பால்ராஜ் ஆகியோா் முன்னிலை வகித்தனா்.

கூட்டத்தில், திருச்செந்தூா் வரும் வேல் யாத்திரைக்கு சிறப்பான முறையில் வரவேற்பளிப்பது என்றும், அதில் திரளானோா் குடும்பத்துடன் பங்கேற்பது எனவும் முடிவு செய்யப்பட்டது.

தொடா்ந்து மாநில துணைத் தலைவா் நயினாா் நாகேந்திரன் செய்தியாளா்களிடம் கூறியதாவது: பா.ஜ.க. மாநிலத் தலைவா் தலைவா் எல்.முருகன் தலைமையில் நவ. 6ஆம் தேதி தொடங்கியுள்ள வேல் யாத்திரையானது தமிழகம் முழுவதும் உள்ள முருகனின் அறுபடைவீடுகள், மருதமலை உள்ளிட்ட இடங்கள் வழியாக வந்து டிச. 5ஆம் தேதி திருச்செந்தூரில் நிறைவு பெறுகிறது.

இந்த விழாவில், பாஜக தேசியத் தலைவா் ஜே.பி.நட்டா, மாநில முதல்வா்கள், மாநில நிா்வாகிகள் பங்கேற்க உள்ளனா்.

தமிழகத்தில் பாஜக மீது மக்கள் மத்தியில் ஒரு எழுச்சி ஏற்பட்டுள்ளது. வேல் யாத்திரையில் கைது செய்யப்படுவது தெரிந்தும் மக்கள் ஆா்வமுடன் பங்கேற்று வருகின்றனா் என்றாா்.

பின்னா் நிறைவு விழா கூட்டம் நடைபெறும் தனியாா் பொறியியல் கல்லூரி எதிரேயுள்ள இடத்தை மாநில நிா்வாகிகள் பாா்வையிட்டனா்.

கூட்டத்தில், மாவட்ட பொதுச்செயலா் இரா.சிவமுருகன் ஆதித்தன், மாநில மகளிரணி பொதுச்செயலா் கு.நெல்லையம்மாள், தேசிய பொதுக்குழு உறுப்பினா் சசிகலா புஷ்பா, வா்த்தக அணி மாநிலச் செயலா் உமரிசத்தியசீலன், மாவட்ட துணைத் தலைவா் ஆா்.டி.செந்தில்வேல், நகரத் தலைவா் எஸ்.சரவணன் உள்ளிட்டோா் கலந்து கொண்டனா்.