தூத்துக்குடியில் திங்கள்கிழமை நள்ளிரவு இரு தரப்பினருக்கிடையே ஏற்பட்ட மோதலில் இளைஞா் குத்திக் கொலை செய்யப்பட்டாா். இருவா் காயமடைந்தனா். இந்த சம்பவம் தொடா்பாக திமுக நிா்வாகி உள்ளிட்ட 4 போ் கைது செய்யப்பட்டனா்.
தூத்துக்குடி தாளமுத்துநகா் அருகேயுள்ள மாதாநகா் 6-ஆவது தெருவைச் சோ்ந்த ராஜ் மகன் செல்வம் (20). கட்டடத் தொழிலாளி. அதே பகுதியில் உள்ள கோயில் நிா்வாகம் தொடா்பாக செல்வத்துக்கும், அதே பகுதியைச் சோ்ந்த திமுக நிா்வாகி பொன்பாண்டி ரவிக்கும் (37) இடையே முன்விரோதம் இருந்து வந்ததாம்.
மேலும், இதுதொடா்பாக பொன்பாண்டி ரவியின் உதவியாளா் பாா்த்தசாரதியும், செல்வமும் கடந்த சில நாள்களுக்கு முன்பு வாக்குவாதத்தில் ஈடுபட்டுள்ளனா். இந்நிலையில், செல்வம் தன் நண்பா்களான முத்துக்குமாா், முத்துசெல்வம் ஆகியோருடன் மோட்டாா் சைக்கிளில் திங்கள்கிழமை நள்ளிரவு அந்தப் பகுதி வழியாகச் சென்றபோது, பொன்பாண்டி ரவி, அவரது உதவியாளா் பாா்த்தசாரதி, நண்பா்கள் இசக்கிமுத்து, கனகராஜ் உள்ளிட்டோா் தகராறில் ஈடுபட்டனராம்.
இரு தரப்பினரும் மோதிக் கொண்ட நிலையில், செல்வம், முத்துக்குமாா், முத்துசெல்வம் ஆகியோருக்கு கத்திக் குத்து காயம் ஏற்பட்டது. மூவரையும் அந்தப் பகுதியில் இருந்தவா்கள் மீட்டு தூத்துக்குடி அரசு மருத்துவக் கல்லூரி மருத்துவமனையில் சோ்த்தனா். அங்கு சிறிது நேரத்தில் செல்வம் உயிரிழந்தாா். மற்ற இருவரும் தொடா்ந்து சிகிச்சை பெற்று வருகின்றனா்.
இதற்கிடையே, செல்வம் கொலையில் தொடா்புடையவா்களைக் கைது செய்ய வலியுறுத்தி அவரது உறவினா்கள் தூத்துக்குடி அரசு மருத்துவக் கல்லூரி மருத்துவமனை வளாகத்தில் தரையில் அமா்ந்து போராட்டத்தில் ஈடுபட்டனா். அவா்களிடம் போலீஸாா் பேச்சுவாா்த்தை மேற்கொண்டனா்.
இந்நிலையில், செல்வம் கொலை தொடா்பாக பொன்பாண்டிரவி, பாா்த்தசாரதி, இசக்கிமுத்து, கனகராஜ் ஆகிய நால்வரையும் தாளமுத்துநகா் போலீஸாா் கைது செய்தனா். தொடா்ந்து, பதற்றம் நிலவி வருவதால் மாதாநகா் பகுதியில் கூடுதல் போலீஸாா் குவிக்கப்பட்டுள்ளனா்.