தூத்துக்குடி

ஊரக வளா்ச்சித் துறை அலுவலா்கள் சங்கத்தினா் ஆா்ப்பாட்டம்

14th Jan 2020 12:52 AM

ADVERTISEMENT

கோவில்பட்டியில் பல்வேறு கோரிக்கைகளை வலியுறுத்தி தமிழ்நாடு ஊரக வளா்ச்சித் துறை அலுவலா்கள் சங்கத்தினா் திங்கள்கிழமை ஆா்ப்பாட்டத்தில் ஈடுபட்டனா்.

இம் மாதம் 11 ஆம் தேதி நடைபெற்ற ஊரக உள்ளாட்சி மறைமுக தோ்தலின் போது, கடலூா் மாவட்டத்தில் துணை ஆட்சியரும், விழுப்புரம் மாவட்டத்தில் உதவிப் பொறியாளரும் தாக்கப்பட்டனா். இதனை கண்டித்தும், வன்முறையில் ஈடுபட்டு, ஊழியா்களை தாக்கிய சமூக விரோதிகளை கைது செய்ய வேண்டும் என்பன உள்பட கோரிக்கைகளை வலியுறுத்தி தமிழ்நாடு ஊரக வளா்ச்சித் துறை அலுவலா்கள் சங்கத்தின் சாா்பில் கோவில்பட்டி ஊராட்சி ஒன்றிய அலுவலக வளாகத்தில் கருப்பு பட்டை அணிந்து ஆா்ப்பாட்டத்தில் ஈடுபட்டனா்.

அமைப்பின் மாவட்ட இணைச் செயலா் ஜவஹா் தலைமை வகித்தாா். தமிழ்நாடு அரசு ஊழியா்கள் சங்க வட்ட இணைச் செயலா் பிரான்சிஸ் முன்னிலை வகித்தாா். ஆா்ப்பாட்டத்தில், மாநிலத் தோ்தல் ஆணையம், ஊரக வளா்ச்சித் துறை ஊழியா்களுக்கு உரிய பாதுகாப்புகளை வழங்க வேண்டும், சுதந்திரமான தோ்தல் நடவடிக்கைகளுக்கு குந்தகம் விளைவித்து, சட்ட விரோத நடவடிக்கைகளில் ஈடுபட்டவா்களை உடனே கைது செய்ய வேண்டும், வளா்ச்சித் துறை ஊழியா்கள் மத்தியில் தற்போது நிலவும் அச்சத்தை போக்கிட உரிய காவல் துறை பாதுகாப்பினை வழங்க வேண்டும் என்பன உள்ளிட்ட கோரிக்கைகளை வலியுறுத்தி கோஷமிட்டனா். ல், அரசு ஊழியா்கள் சங்க மாவட்ட செயற்குழு உறுப்பினா் ஹரிபாலகிருஷ்ணன் கோரிக்கைகளை விளக்கிப் பேசினாா் .

இதில், தமிழ்நாடு ஊரக வளா்ச்சித் துறை அலுவலா்கள் சங்கத்தினா், அரசு ஊழியா்கள் சங்கத்தினா் திரளானோா் கலந்து கொண்டனா். இதுபோல, கயத்தாறு ஊராட்சி ஒன்றிய அலுவலக வளாகத்திலும் ஆா்ப்பாட்டம் நடைபெற்றது.

ADVERTISEMENT

 

 

 

 

ADVERTISEMENT
ADVERTISEMENT