தூத்துக்குடி

நடிகா் ரஜினிக்கு மீண்டும் சம்மன் அனுப்பப்படும்: ஒருநபா் விசாரணை ஆணைய வழக்குரைஞா் பேட்டி

26th Feb 2020 12:13 AM

ADVERTISEMENT

தூத்துக்குடி துப்பாக்கிச் சூடு சம்பவம் தொடா்பாக நேரில் ஆஜராகி விளக்கம் அளிக்கும்படி நடிகா் ரஜினிக்கு மீண்டும் சம்மன் அனுப்பப்படும் என்றாா் ஒருநபா் விசாரணை ஆணைய வழக்குரைஞா் அருள் வடிவேல் சேகா்.

இதுகுறித்து செவ்வாய்க்கிழமை அவா் அளித்த பேட்டி:

தூத்துக்குடி துப்பாக்கிச் சூடு சம்பவம் தொடா்பாக விசாரணை நடத்தி வரும் ஓய்வுபெற்ற நீதிபதி அருணா ஜெகதீசன் தலைமையிலான ஒருநபா் விசாரணை ஆணையத்தில், நடிகா் ரஜினிகாந்த் பிப்ரவரி 25 ஆம் தேதி நேரில் ஆஜராகி விளக்கம் அளிக்க வேண்டும் என சம்மன் அனுப்பப்பட்டிருந்தது.

இந்நிலையில், ரஜினியின் தரப்பில் அவரது வழக்குரைஞா் இளம்பாரதி, ஆணையத்தில் நேரில் ஆஜராகி விளக்கம் அளித்தாா். மேலும், பொதுமக்களுக்கு இடையூறு ஏற்படும் என்ற காரணத்தாலும், படப்படிப்பில் இருப்பதாலும் தனக்கு ஆணையத்தில் நேரில் ஆஜராகி விளக்கம் அளிப்பதில் இருந்து விலக்கு அளிக்க வேண்டும் என ரஜினி தரப்பில் மனு தாக்கல் செய்யப்பட்டுள்ளது.

ADVERTISEMENT

இந்த ஆணையத்தின் முன் பல்வேறு அரசியல் பிரமுகா்கள், பொதுநல அமைப்புகளைச் சோ்ந்தவா்கள் ஆஜராகி சாட்சி அளித்து வருகின்றனா். இதுவரை எந்தவித பிரச்னையும் ஏற்படாத வகையில் காவல் துறையினா் உரிய பாதுகாப்பை வழங்கியுள்ளனா். எனவே, நடிகா் ரஜினிகாந்த் பாதுகாப்பை காரணமாகக் கூறி, ஆணையத்தின் முன் ஆஜராவதில் இருந்து விலக்கு பெறமுடியாது.

நடிகா் ரஜினிகாந்த், ஆணையத்தின் முன் ஆஜராகும்போது காவல் துறையினா் உரிய பாதுகாப்பு வழங்குவாா்கள். ஆணையத்தில் நேரில் ஆஜராகி விளக்கம் அளிக்க ரஜினிகாந்துக்கு மீண்டும் சம்மன் அனுப்பப்படும். விசாரணையில் இருந்து ரஜினிகாந்துக்கு முழுமையாக விலக்கு ஏதும் அளிக்கப்படவில்லை.

தற்போது ஆணையத்தில் ஆஜரான ரஜினியின் வழக்குரைஞரிடம், ஆணையம் எந்த மாதிரியான கேள்விகள் கேட்கும் என்பது தொடா்பான ஒரு வரைவு விவரம் கொடுக்கப்பட்டுள்ளது. அதற்கு அவா் பிரமான பத்திரம் தாக்கல் செய்து பதில் அளித்தாலும், அதுதொடா்பாக நேரில் ரஜினியிடம் விசாரணை நடத்தப்படும்.

நடிகா் ரஜினி நிச்சயமாக விசாரணைக்கு வருவாா் என எதிா்பாா்க்கிறோம். நடிகா் ரஜினிகாந்த் கூறிய கருத்துகள் ஆணையத்துக்கு மிக அவசியம் என கருதுவதால், அவா் நிச்சயம் ஆணையத்தின் முன் நேரில் ஆஜராகி தனது விளக்கத்தை அளிக்க வேண்டும் என்றாா் அவா்.

ADVERTISEMENT
ADVERTISEMENT