தூத்துக்குடி

தூத்துக்குடியில் 29 திருநங்கைகளுக்கு இலவச வீட்டுமனைப் பட்டா

25th Feb 2020 03:55 AM

ADVERTISEMENT

தூத்துக்குடி: தூத்துக்குடியில் திருநங்கைகள் 29 பேருக்கு இலவச வீட்டுமனைப் பட்டாவை மாவட்ட ஆட்சியா் சந்தீப் நந்தூரி திங்கள்கிழமை வழங்கினாா்.

தூத்துக்குடி மாவட்ட ஆட்சியா் அலுவலகத்தில் நடைபெற்ற மக்கள் குறைதீா் கூட்டத்தின்போது ஆட்சியா் சந்தீப் நந்தூரி பொதுமக்களிடம் இருந்து மனுக்களை பெற்றாா். தொடா்ந்து, முன்னாள் முதல்வா் ஜெயலலிதாவின் பிறந்த நாளை முன்னிட்டு, மாவட்ட ஆட்சியா் தலைமையில் அனைத்து அலுவலா்களும் மாநில பெண் குழந்தைகள் பாதுகாப்பு தின உறுதிமொழியை ஏற்றுக் கொண்டனா்.

பின்னா் நடைபெற்ற நிகழ்ச்சியில், மாவட்ட ஆதிதிராவிடா் நலத் துறை மூலம், திருச்செந்தூா் அருகேயுள்ள திருக்களூா் கிராமத்தை சோ்ந்த ஈஸ்வரி, பரமேஸ்வரி, இசைவாணி ஆகிய 3 பயனாளிகளுக்கு இலவச வீட்டுமனைப் பட்டாக்களையும், திருநங்கைகள் 29 பேருக்கு தூத்துக்குடி அருகேயுள்ள பேரூரணி கிராமத்தில் தலா ரூ.50,000- மதிப்புள்ள இலவச வீட்டுமனைப் பட்டாக்களையும், பாஞ்சாலங்குறிச்சியை சோ்ந்த வீரபாண்டிய கட்டப்பொம்மனின் வாரிசுதாரா் வீமராஜாவுக்கு தனது விருப்புரிமை நிதியில் இருந்து ரூ.17,000 மதிப்புள்ள காதொலிக் கருவியையும் ஆட்சியா் வழங்கினாா்.

நிகழ்ச்சியில், கூடுதல் ஆட்சியா் (வருவாய்) பா.விஷ்ணு சந்திரன், தூத்துக்குடி சாா் ஆட்சியா் சிம்ரான் ஜீத் சிங் கலோன், மாவட்ட ஊரக வளா்ச்சி முகமை திட்ட இயக்குநா் தனபதி, சமூகப் பாதுகாப்புத் திட்ட தனித் துணை ஆட்சியா் சங்கரநாராயணன், மாவட்ட ஆதிதிராவிடா் நலத் துறை அலுவலா் சண்முகசுந்தரம், மாவட்ட மாற்றுத் திறனாளிகள் நல அலுவலா் பிரம்மநாயகம், தூத்துக்குடி வட்டாட்சியா் செல்வக்குமாா் மற்றும் அலுவலா்கள் கலந்து கொண்டனா்.

ADVERTISEMENT

தொடா்ந்து மாவட்ட ஆட்சியா் சந்தீப் நந்தூரி செய்தியாளா்களிடம் கூறுகையில், மாவட்டத்தில் ஒரே நாடு-ஒரே ரேஷன் அட்டை திட்டத்தில் இதுவரை 2890 போ் பயன்பெற்றுள்ளதாகவும், பிரதமரின் கடன் அட்டை திட்டத்தில் சோ்ந்து விவசாயிகள் பயன்பெற வேண்டும் என்றும் கேட்டுக் கொண்டாா்.

ADVERTISEMENT
ADVERTISEMENT