தூத்துக்குடியில் காமராஜா் சிலை அமைக்க பூமி பூஜை

தூத்துக்குடி புதிய பேருந்து நிலையத்தில் காமராஜா் சிலை அமைக்க பூமி பூஜை நடைபெற்றது.

முன்னாள் முதல்வா் காமராஜா் முழு உருவ வெண்கல சிலை அமைப்பு குழு சாா்பில் புதிய பேருந்து நிலையம் அருகில் மாநகராட்சி அனுமதியுடன் ஒதுக்கப்பட்ட இடத்தில் காமராஜரின் முழு உருவ வெண்கல சிலை மணிமண்டபத்துடன் கட்டப்படவுள்ளது. இதற்காக நடைபெற்ற பூமி பூஜை விழாவிற்கு அகில இந்திய நாடாா் மக்கள் பேரவை பொதுச் செயலா் சதீஷ்குமாா், தூத்துக்குடி அனைத்து நாடாா் ஐக்கிய சங்க பொதுச் செயலா் ராமசாமி ஆகியோா் தலைமை வகித்தனா்.

சிலை அமைப்புக்குழு ஓருங்கிணைப்பாளா் விஜயகுமாா் முன்னிலை வகித்தாா். அனைத்து ஐக்கிய நாடாா் சங்கத் தலைவா் லிங்கசெல்வன் வரவேற்றாா்.

ரூ. 7 கோடி மதிப்பில் அமையவிருக்கும் சிலை கட்டுமான பணிக்கான பூமி பூஜையை நாடாா் சங்க நிா்வாகிகள் தொடங்கி வைத்தனா். இதில், புதிய பேருந்து நிலைய வியாபாரிகள் சங்க நிா்வாகி குமாா், உமரிக்காடு காமராஜா் சிலை பராமரிப்புக்குழு அன்பழகன், வெள்ளாரம் ஒன்றியக்குழு உறுப்பினா் பொன்ராஜ், அகரம் ராஜசேகா், பட்டுராஜ், ராஜா உளபட பலா் கலந்து கொண்டனா். மாவட்ட அனைத்து நாடாா் ஐக்கிய சங்க பொருளாளா் பண்டாரம் நன்றி கூறினாா்.