தூத்துக்குடி

மூணாறு அருகே நிலச்சரிவில் இறந்தோருக்கு அமைச்சா் கடம்பூா் செ. ராஜு இரங்கல்

9th Aug 2020 09:44 AM

ADVERTISEMENT

கேரள மாநிலம் இடுக்கி மாவட்டம் மூணாறில் ஏற்பட்ட நிலச்சரிவில் சிக்கி உயிரிழந்தோருக்கு தமிழக செய்தி மற்றும் விளம்பரத் துறை அமைச்சா் கடம்பூா் செ. ராஜு இரங்கல் தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பு: மூணாறில் ஏற்பட்ட நிலச்சரிவில் சிக்கி உயிரிழந்தோருக்கு ஆழ்ந்த இரங்கலையும், அவா்களது குடும்பத்தினா்களுக்கு அனுதாபத்தையும் தெரிவித்துக்கொள்கிறேன்.

அந்தச் சம்பவத்தில் பாதிக்கப்பட்டோரில் கோவில்பட்டி பேரவைத் தொகுதிக்கு உள்பட்ட கயத்தாறு பேரூராட்சியைச் சோ்ந்தோா் குறித்து கேரளத்தில் பணியாற்றிவரும் தமிழக அரசின் செய்தி-மக்கள் தொடா்புத் துறை உதவி இயக்குநா் உன்னிகிருஷ்ணன் முழு விவரங்களையும் சேகரித்து, மாவட்ட நிா்வாகத்துக்கு தகவல் தெரிவித்து, அங்கு செல்வோருக்கு இ-பாஸ் கிடைக்க ஏற்பாடு செய்து வருகிறாா்.

உயிரிழந்தோருக்கு தமிழக முதல்வா் இரங்கல் தெரிவித்ததோடு, கேரள முதல்வரைத் தொடா்புகொண்டு, இறந்தோரின் உடல்களை உடனடியாக மீட்கவும், காயமடைந்தோருக்கு மருத்துவமனையில் முறையான தரமான சிகிச்சை அளிக்கவும் ஏற்பாடு செய்யுமாறு கேட்டுக்கொண்டுள்ளாா் என்றாா் அவா்.

ADVERTISEMENT

ஜான்பாண்டியன் ஆறுதல்: தமிழக முன்னேற்றக் கழக நிறுவனத் தலைவா் ஜான்பாண்டியன், கயத்தாறு பாரதி நகருக்குச் சென்று, இடுக்கி மாவட்டத்தில் ஏற்பட்ட நிலச்சரிவில் சிக்கி உயிரிழந்த தேயிலைத் தோட்டத் தொழிலாளா்களின் உறவினா்களை சனிக்கிழமை சந்தித்து ஆறுதல் கூறினாா்.

ADVERTISEMENT
ADVERTISEMENT