தூத்துக்குடி

தேசிய விஞ்ஞான போட்டி: சாகுபுரம் பள்ளி மாணவா் சாதனை

6th Oct 2019 01:49 AM

ADVERTISEMENT

தேசிய அளவிலான விஞ்ஞான போட்டியில் சாகுபுரம் கமலாவதி மேல்நிலைப் பள்ளி மாணவா் சிறப்பிடம் பெற்றுள்ளாா்.

தெலங்கானா மாநிலம், ஹைதராபாதில் உள்ள ‘கண்டுபிடிப்புகள்- பொருத்தமான தொழில்நுட்பங்களுக்கான’’ மையத்தில், மத்திய அரசின் தேசிய ஊரக வளா்ச்சி நிறுவனம் மற்றும் பஞ்சாயத்து ராஜ் அமைப்பு சாா்பில், கிராமப்புற கண்டுபிடிப்பாளா் தொடக்க மாநாடு நடைபெற்றது. இதில், சாகுபுரம் கமலாவதி மேல்நிலைப் பள்ளியைச் சோ்ந்த பிளஸ் 1 மாணவா்கள் ஆா்.ஆதித் (ரயில் மற்றும் ரயில்பாதையில் சூரிய தகடு அமைத்தல்), ஜெ.ஆா்.ஆதி கிருஷ்ணா (உயிா், சூரியகலம்), வி.மாதேஷ் (தானியங்கி குப்பை அகற்றும் கருவி) ஆகியோரது படைப்புகள் இடம்பெற்றன. இதில், வி.மாதேஷ் தயாரித்த ‘தானியங்கி குப்பை அகற்றும் கருவி’’ தேசிய அளவில் 2ஆம் இடம் பெற்றது. இதற்கான பரிசளிப்பு விழாவில் உணவு பதப்படுத்தும் தொழில்களுக்கான மத்திய இணை அமைச்சா் சாதவி நிரஞ்சன் ஜோதி மாணவா் வி.மாதேஷ்க்கு கேடயம், சான்றிதழ் மற்றும் ரூ.7500க்கான காசோலையை வழங்கினாா்.

இந்த மாணவரையும், பயிற்சி ஆசிரியா்களையும் பள்ளி டிரஸ்டி மற்றும் டி.சி.டபிள்யூ. நிறுவனா்- தலைவருமான முடித்ஜெயின், செயல் உதவித் தலைவா் ஆா்.ஜெயக்குமாா், மூத்த பொது மேலாளா் சி.சந்திரசேகரன், பள்ளி முதல்வா் ஆா்.சண்முகானந்தன், துணை முதல்வா் வனிதா வி.ராயன், தலைமை ஆசிரியா் இ.ஸ்டீபன் பாலாசிா், தலைமையாசிரியை(பொ) என்.சுப்புரத்தினா மற்றும் ஆசிரிய ஆசிரியைகள் பாராட்டினா்.

ADVERTISEMENT
ADVERTISEMENT