திருநெல்வேலி நகரம் நயினாா்குளம் சாலையில் சிதிலமடைந்து காணப்படும் பயணிகள் நிழற்குடையை சீரமைக்கக் கோரி, திருநெல்வேலி மாவட்ட பொது ஜன பொது நலச்சங்க தலைவா் முஹம்மது அய்யூப் மாநகராட்சி ஆணையரிடம் மனு அளித்துள்ளாா்.

அதன் விவரம்: திருநெல்வேலி நகரம் நயினாா் குளம் சாலையில் பயணிகள் நிழற்குடை உள்ளது. இதை அதிகளவில் பொது மக்கள் பயன்படுத்துகின்றனா். மழை- வெயிலில் இருந்து பயணிகளை பாதுகாத்து வந்த இந்நிழற்குடை சிதிலமடைந்து மோசமான நிலையில் உள்ளது. அதில், பொருத்தப்பட்டிருந்த டியூப் லைட் உள்ளிட்ட சாதனங்கள் கழன்று தொங்கியபடி உள்ளன. எனவே, தாமதமின்றி பயணிகள் நிழகுகுடையை சீரமைக்க நடவடிக்கை எடுக்க வேண்டும் எனக் குறிப்பிட்டுள்ளாா்.