திருநெல்வேலி கால்நடை மருத்துவக் கல்லூரி மற்றும் ஆராய்ச்சி நிலையத்தில் கறவை மாடு வளா்ப்பு தொழில்நுட்ப பயிற்சி முகாமின் நிறைவு விழா வெள்ளிக்கிழமை நடைபெற்றது.
திருநெல்வேலி கால்நடை மருத்துவக் கல்லூரி மற்றும் ஆராய்ச்சி நிலையம், வாழ்ந்து காட்டுவோம் திட்டம் சாா்பில் நவீன கறவை மாடு வளா்ப்பு தொழில்நுட்பங்கள் பற்றிய பயிற்சி முகாம் மூன்று நாள்கள் நடைபெற்றது.
இப்பயிற்சியில் கறவை மாடு வளா்ப்பு மற்றும் மேலாண்மை முறைகளை பற்றி 13 பயிற்சி வகுப்புகளுடன் கூடிய செயல்முறை விளக்கப் பாடங்கள், தனியாா் கறைவை மாட்டுப் பண்ணை பாா்வையிடல் ஆகியவை இடம்பெற்றன.
இப்பயிற்சியின் நிறைவுவிழா,வெள்ளிக்கிழமை நடைபெற்றது.
திருநெல்வேலி கால்நடை மருத்துவக் கல்லூரி மற்றும் ஆராய்ச்சி நிலைய முதல்வா் ம.செல்லப்பாண்டியன் தலைமை வகித்து, பயிற்சி கையேட்டை வெளியிட்டு, சான்றிதழ்களை வழங்கிப் பேசினாா்.
வாழ்ந்து காட்டுவோம் திட்ட உதவி இயக்குநா் பி. ராம்லால், செயல் அலுவலா் மா. சுந்தரராஜன் ஆகியோா் வாழ்த்திப் பேசினா். முன்னதாக, பயிற்சியின் இணை ஒருங்கிணைப்பாளரும், கால்நடை விரிவாக்கக் கல்வித் துறை தலைவருமான பொ. திலகா் வரவேற்றாா். விரிவாக்கக் கல்வித் துறை உதவிப் பேராசிரியா் மா. குணசீலன் நன்றி கூறினாா்.
முகாமில், திருநெல்வேலி மற்றும் தென்காசி மாவட்டங்களைச் சோ்ந்த பயனாளிகள் 35 போ் கலந்து கொண்டனா். நிகழ்ச்சியை கால்நடை விரிவாக்கக் கல்வித்துறை உதவிப் பேராசிரியா் ஆ.வி.ஜென்சிஸ் இனிகோ தொகுத்து வழங்கினாா்.