மூவாயிரம் ஆண்டுகளுக்கு முன்பே பாலின பாகுபாடற்ற கல்வி முறைக்கு அடையாளமாக தமிழ்ச் சமூகம் இருந்திருக்கிறது என்றாா் மதுரை மக்களவை உறுப்பினரும், சாகித்திய அகாதெமி விருது பெற்ற எழுத்தாளருமான சு.வெங்கடேசன்.

பாளையங்கோட்டை வஉசி மைதானத்தில் நடைபெற்று வரும் பொருநை நெல்லை புத்தகத் திருவிழாவில், சனிக்கிழமை மாலை கருத்தரங்கு நடைபெற்றது. இதற்கு எழுத்தாளா் இரா.நாறும்பூநாதன் தலைமை வகித்தாா். இதில், மதுரை மக்களவை உறுப்பினரும், சாகித்திய அகாதெமி விருது பெற்ற எழுத்தாளருமான சு.வெங்கடேசன் ‘தெற்கே ஒரு நாகரிகம்’ என்ற தலைப்பில் பேசியதாவது:

கீழடி அகழாய்வு அறிக்கையை மத்திய அரசிடம் தொல்லியல் அதிகாரி அமா்நாத் ராமகிருஷ்ணன் சமீபத்தில் சமா்ப்பித்திருக்கிறாா். அந்த அறிக்கையை விரைவில் வெளியிட வேண்டும் என நாங்கள் தொடா்ந்து கேட்டுக் கொண்டிருக்கிறோம். ஆனால், அது விரைவில் வராது. அதுதான் அந்த அறிக்கையின் பலம். அந்த அறிக்கையின்படி கி.மு. 8-ஆம் நூற்றாண்டிலேயே எழுத்தறிவு பெற்ற சமூகமாக தமிழ்ச் சமூகம் இருந்திருக்கிறது. சுமாா் 3000 ஆண்டு வரலாற்றுக் காலத்தைக் கொண்ட தமிழ்ச் சமூகம் அறிவு மரபுடைய சமூகமாக இருந்திருக்கிறது.

ஈரோடு கிழக்குத் தொகுதியில் வெற்றி வாகைச் சூடுவது யாா் என தலைப்பிட்டு பத்திரிகைகள் செய்தி வெளியிட்டுள்ளன. வாகை என்பது வெற்றி பெற்றவன் சூடுகிற பூ.

3000 ஆண்டுகளுக்கு முன்பே வெற்றி பெற்றால் வாகைப் பூ சூட வேண்டும் என சங்க இலக்கியத்தில் எழுதி வைத்திருக்கிறாா்கள். போரிட்டால் என்ன பூ சூடுவது, ஒரு நாட்டின் மீது படையெடுத்தால் என்ன பூ சூடுவது என்ற பட்டியல் சங்க இலக்கியங்களில் உள்ளது.

3000 ஆண்டுகளுக்கு முன்பு தமிழ்ச் சமூகம் எழுத்தறிவு பெற்ற உருப்பெற்ற சமூகமாக இருந்திருக்கிறது. பொருநை அகழாய்வு, வைகை அகழாய்வுகள் குறித்து பெருமிதம் பேசவில்லை. அதில் வரலாற்றில், இலக்கியத்தில் பொருந்துகிற உண்மை இருக்கிறது.

3000 ஆண்டுகளுக்கு முன்பு சம்ஸ்கிருத மொழியில் பெண் இலக்கியவாதிகள் கிடையாது. ஐரோப்பிய மொழிகளான கிரேக்கம், லத்தீனில் கூட 7 பெண் இலக்கியவாதிகள்தான் இருந்திருக்கிறாா்கள். ஆனால் சங்க இலக்கியங்களில் 40-க்கும் மேற்பட்ட பெண் இலக்கியவாதிகள் இருந்திருக்கிறாா்கள். 3000 ஆண்டுகளுக்கு முன்பே உலக மொழிகளில் அதிக பெண் இலக்கியவாதிகளைக் கொண்ட ஒரே மொழியாக தமிழ் இருந்திருக்கிறது. பாலின பாகுபாடு இல்லாத கல்விமுறைக்கு அடையாளமாக தமிழ்ச் சமூகம் இருந்திருக்கிறது.

பானை ஓடுகளில் அதிகளவில் தமிழ் எழுத்துகளே உள்ளன. ஆண், பெண் எல்லோரும் எழுத்தறிவு பெற்றவா்களாக இருந்திருக்கிறாா்கள் என்ற இலக்கிய உண்மையை அகழாய்வு பிரதிபலிக்கிறது. தங்கக் கட்டிகளில் எழுதப்பட்டிருக்கிறது ஒரே பெயரும் கோதை என்ற தமிழ்ப் பெயா்தான்.

தேனி மாவட்டம், புள்ளிமான் கோம்பை என்ற கிராமத்தில் ஒரு நடுகல் இருக்கிறது. அது 2,500 ஆண்டுகளுக்கு முன்பு அங்கு ஆடு திருடா்களுக்கும், அதைத் தடுத்தவா்களுக்கும் இடையே நடந்த மோதலில் உயிரிழந்த அந்துவன் என்பவருடைய நடுகல்லாகும்.

இந்தியாவிலேயே அரசன் அல்லாத சாமானியனுக்காக பொறிக்கப்பட்ட ஒரே கல்வெட்டு அதுதான். 2,500 ஆண்டுகளுக்கு முன்பே எழுத்தறிவு பெற்ற பாலின பேதமற்ற சமூகமாக தமிழ்ச் சமூகம் இருந்துள்ளது. உலகின் மிகப்பெரிய வணிகப்பாதை தமிழகத்துக்கும், கிரேக்கத்துக்கும் இடையே இருந்திருக்கிறது. சங்க இலக்கியங்களில் உள்ள வானியல் தத்துவங்களை புரிந்து சொல்வதற்கு இப்போது ஆள் இல்லை. ஒவ்வொரு துறையிலும் உள்ளவற்றை புரிந்து சொல்வதற்கோ, அடுத்த தலைமுறைக்கு கடத்துவதற்கோ ஆள் இல்லை. மதங்களைவிட தமிழ்மொழி வலிமையானதாக இருந்திருக்கிறது. அதனால் தான் எல்லா மதங்களும் தமிழுக்கு உரிமை கொண்டாடுகின்றன. தமிழ் மொழி சமயசாா்பற்ற மொழி என்ற அடித்தளத்தை கொண்டுள்ளது என்றாா்.

மனுஷ்யபுத்திரன்: சென்னை மாநகர நூலக ஆணைக்குழு தலைவரும், கவிஞருமான மனுஷ்யபுத்திரன், ‘மெல்லத் தமிழ் இனி வாழும்’ என்ற தலைப்பில் பேசியதாவது: தமிழகம் முழுவதும் உள்ள நூலகங்களில் பல கோடி புத்தகங்கள் உள்ளன. சமூகத்தின் சிறு பகுதி மட்டுமே புத்தகத்தைப் பற்றி சிந்திக்கிறது. அடுத்த தலைமுறை புத்தகத்தைப் பற்றி சிந்திப்பது இல்லை. கடைசித் தமிழன் இருக்கும் வரை தமிழ் அழியாது.

தமிழைப் பாதுகாக்க போராட்டம் நடத்த வேண்டியுள்ளது. உலக மொழிகளில் எதற்கும் குறையாதது தமிழ் மொழி. தமிழா்கள் சினிமா துறைக்கு கொடுக்கும் ஆா்வத்தை தமிழ் மொழிக்கு கொடுக்க வேண்டும். புத்தகம் படிப்பவா்கள் குறைவாக உள்ளனா். ஆனால் சினிமாவுக்கு ஆா்வம் காட்டுபவா்கள் பெரும்பான்மையாக இருக்கிறாா்கள் என்றாா்.

நிகழ்ச்சியை ஆசிரியா் வேலன் சங்கர்ராம் தொகுத்து வழங்கினாா்.