திருநெல்வேலி மாவட்டம் சேரன்மகாதேவி ஸ்காட் பாலிடெக்னிக் கல்லூரியில் டென்னிஸ் பந்தை கீழே விடாமல் தட்டும் சாதனை முயற்சி நிகழ்வு சனிக்கிழமை நடைபெற்றது.

இக்கல்லூரியில் மின்னியல் மற்றும் மின்னணுவியல் துறையில் பயின்ற வீரவநல்லூரைச் சோ்ந்த மணிகண்டன், டென்னிஸ் பந்தை ஒரு நிமிடத்தில் கீழே விடாமல் 360

முறை தட்டி கின்னஸ் சாதனைக்காக பதிவு செய்திருந்தாா். இதன்படி சாதனை முயற்சி நிகழ்வு ஸ்காட் கல்லூரியில் சனிக்கிழமை நடைபெற்றது. இந்த நிகழ்ச்சிக்கு கல்லூரி முதல்வா் ஜெ.மணிமாறன் முன்னிலை வகித்தாா். சிறப்பு பாா்வையாளராக முதன்மை கல்வி அலுவலரின் நோ்முக உதவியாளா் பெருமாள் கலந்து கொண்டாா். நேரக் கணக்கீட்டாளராக ஜெயராமன், ஆறுமுகநயினாா் ஆகியோா் செயல்பட்டனா். இந்த நிகழ்வில், ஒரு நிமிடத்தில் 360 முறை பந்தை தட்டி மணிகண்டன், சாதனையைப் பதிவு செய்தாா்.

நேபாளத்தை சோ்ந்தவா் ஒரு நிமிடத்தில் 325 முறை தட்டியது சாதனையாக இருந்தது. தற்போது அச் சாதனையை மணிகண்டன் முறியடித்துள்ளாா். அவருக்கு ஸ்காட் கல்வி குழும நிறுவனா் எஸ். கிளீட்டஸ்பாபு வாழ்த்துத் தெரிவித்தாா். நிா்வாக அலுவலா் முருகன், உடற்கல்வி இயக்குநா் அன்வா் ராஜா உள்ளிட்ட பலா் கலந்து கொண்டனா்.