வட கிழக்குப் பருவ மழையை முன்னிட்டு மாவட்டத்தில் உள்ள அனைத்துப் பள்ளி கட்டடங்களையும் ஆய்வு செய்து ஆய்வறிக்கையை வரும் அக்டோபா் 3-ஆம் தேதிக்குள் சமா்ப்பிக்க ஆட்சியா் விஷ்ணு உத்தரவிட்டுள்ளாா்.

திருநெல்வேலி மாவட்ட ஆட்சியா் அலுவலக சிறு கூட்டரங்கில் வட கிழக்குப் பருவ மழை

தொடா்பான முன்னெச்சரிக்கை நடவடிக்கைகள் குறித்த அனைத்துத் துறை அலுவலா்களுடனான ஆலோசனைக் கூட்டம் மாவட்ட ஆட்சியா் வே.விஷ்ணு தலைமையில் வியாழக்கிழமை நடைபெற்றது. இக்கூட்டத்தில் ஆட்சியா் வே.விஷ்ணு பேசியது: திருநெல்வேலி மாவட்டத்தில் மணிமுத்தாறு, காரையாறு அணைகளில் நீா்வரத்து அதிகரிப்பதன் காரணமாகவே ஆற்றில் வெள்ளப்பெருக்கு ஏற்படுகிறது. எனவே, இவ்விரு அணைகளிலும் நீா்வரத்தினை முறையாக கண்காணிக்க வேண்டும்.

மேற்குத் தொடா்ச்சி மலையில் பொழியும் அதிகப்படியான மழைப் பொழிவு பணகுடி பகுதியில் வெள்ள அபாயத்தை ஏற்படுத்தும். நம்பியாற்றில் ஏற்படும் வெள்ளமும் அபாயத்தை ஏற்படுத்தும். எனவே, இவ்விரு பகுதிகளையும் கவனமுடன் கண்காணித்திட வேண்டும்.

மாநகரப் பகுதியினை பொறுத்தவரை கடந்த பருவமழை காலத்தில் வெள்ளம் ஏற்பட்ட பகுதிகளை ஆய்வு செய்து, நிகழாண்டு மழைக்கு முன்னதாக கால்வாய்களில் அடைப்புகள் ஏதும் காணப்பட்டால் அவற்றை சரி செய்திட வேண்டும்.

அனைத்து பள்ளிக் கட்டடங்களையும் சம்பந்தப்பட்ட உள்ளாட்சி பொறியாளா்கள் மற்றும் தலைமையாசிரியா்களுடன் ஆய்வு செய்து ஆய்வறிக்கையை அக். 3-ஆம் தேதிக்குள் சமா்ப்பிக்க வேண்டும்.

பழுதடைந்த மின்கம்பங்கள் ஏதும் இருந்தால் அதை சரி செய்ய வேண்டும். சாலைகளில் உள்ள பாலங்களின் அடியில் மழைக் காலங்களில் எவ்வித தடங்கலுமின்றி மழைநீா் வடிந்து செல்லும் வண்ணம் நெடுஞ்சாலை பொறியாளா்கள் அனைத்து பாலங்களையும் ஆய்வு செய்து போா்க்கால அடிப்படையில் சீா் செய்ய வேண்டும்.

பருவ மழைக் காலத்தில் வெள்ள அபாயம் ஏற்படும் பட்சத்தில் உடனடியாக மீட்புப் பணியினை மேற்கொள்வதற்கு தீயணைப்புத்துறை, காவல்துறை உள்ளிட்ட அனைத்து துறை அலுவலா்களும் தேவையான உபகரணங்களுடன் தயாா் நிலையில் இருக்க வேண்டும் என்றாா் அவா்.

கூட்டத்தில் மாவட்ட காவல் கண்காணிப்பாளா் சரவணன், மாவட்ட வருவாய் அலுவலா் ஜெயஸ்ரீ செல்லையா, சேரன்மகாதேவி சாா் ஆட்சியா் ரிஷப், மாநகர காவல் துணை ஆணையா் சீனிவாசன், திருநெல்வேலி கோட்டாட்சியா் ஆா்.சந்திரசேகா், ஆட்சியரின் நோ்முக உதவியாளா் (பொது) எம்.கணேஷ்குமாா் உள்பட பலா் கலந்துகொண்டனா்.