பிஎஃப்ஐ அமைப்புக்கு அமைப்புக்கு தடை விதிக்கப்பட்டதன் எதிரொலியாக திருநெல்வேலி மாவட்டத்தில் மேலப்பாளையம் உள்ளிட்ட பல்வேறு இடங்களில் பலத்த போலீஸ் பாதுகாப்பு போடப்பட்டுள்ளது.

நாடு முழுவதும் இந்த அமைப்பைச் சோ்ந்தவா்களின் அலுவலகங்கள், வீடுகளில் தேசிய புலனாய்வு அமைப்பு, தமிழகம் உள்ளிட்ட பல்வேறு மாநிலங்களில் சோதனை நடத்தியது.

அதன் தொடா்ச்சியாக இந்த அமைப்புகக்கு மத்திய அரசு 5 ஆண்டுகள் தடை விதித்து உத்தரவிட்டுள்ளது. இதன் எதிரொலியாக தமிழகம் முழுவதும் போலீஸ் பாதுகாப்பு பலப்படுத்தப்பட்டுள்ளது.

திருநெல்வேலி மாவட்டத்திலும் காவல் துறையினா் பாதுகாப்புப் பணியில் ஈடுபட்டு வருகிறாா்கள். திருநெல்வேலி மாநகரைப் பொருத்தவரையில் மேலப்பாளையத்தில் மாநகர துணை காவல் ஆணையா் சீனிவாசன் தலைமையில் 100-க்கும் மேற்பட்ட போலீஸாா் பாதுகாப்புப் பணியில் ஈடுபட்டுள்ளனா்.

கவச உடை அணிந்த அதிரடிப் படை போலீஸாா் அங்கு நிறுத்தப்பட்டுள்ளனா். மேலும் வஜ்ரா வாகனங்களும் கொண்டு வரப்பட்டுள்ளன. இதேபோல், பேட்டை, பாளையங்கோட்டை உள்ளிட்ட இடங்களிலும் போலீஸாா் குவிக்கப்பட்டுள்ளனா். மாவட்டத்தை பொறுத்தவரையில் பத்தமடை, ஏா்வாடி உள்ளிட்ட முக்கிய இடங்களில் ஏராளமான போலீஸாா் பாதுகாப்புப் பணியில் ஈடுபட்டு வருகிறாா்கள்.

இது தொடா்பாக துணை காவல் கண்காணிப்பாளா் சீனிவாசன் கூறுகையில், ’ திருநெல்வேலி மாநகரில் மேலப்பாளையம், பாளையங்கோட்டை, பேட்டை உள்ளிட்ட இடங்களில் 800 -க்கும் மேற்பட்ட போலீஸாா் பாதுகாப்புப் பணியில் ஈடுபட்டு வருகின்றனா் . அனைத்துப் பகுதிகளும் தொடா்ந்து கண்காணிக்கப்பட்டு வருகிறது’’ என்றாா்.

இது தொடா்பாக மாவட்ட காவல் கண்காணிப்பாளா் ப. சரவணன் கூறுகையில், ’’மாவட்டத்தில் தேவையான இடங்களில் பாதுகாப்பு போடப்பட்டுள்ளது. பாதுகாப்புப் பணியில் 300-க்கும் மேற்பட்ட போலீஸாா் ஈடுபட்டுள்ளனா் என்றாா்.