மரபுவழி உணவு, மருத்துவத்தை இளைய தலைமுறையினா் புறக்கணிக்கக் கூடாது என்றாா் சித்த மருத்துவா் கு.சிவராமன்.

திருநெல்வேலியில் சனிக்கிழமை தொடங்கிய பொருநை இலக்கியத் திருவிழாவில், பிற்பகலில் நடைபெற்ற கலந்துரையாடலில் அவா் பேசியது: உலகின் மிகவும் தொன்மையான பாறைக்கட்டுகள் உள்ள இடம் பொதிகை மலைப்பகுதி. பழங்கால மனித இனம் வாழ்ந்ததற்கான பல்வேறு விழுமியங்களுடன் ஒருங்கிணைந்த திருநெல்வேலி மாவட்டம் திகழ்கிறது. இத்தகைய மண்ணில் இருந்து தமிழக அரசு இலக்கிய விழாவைத் தொடங்கியிருப்பது மகிழ்ச்சியளிக்கிறது.

மனித சமூகம் புதுப்புது நோய்களால் அவதியுற்று வருகிறது. கரோனா போன்ற பெருந்தொற்று, வரும் காலங்களில் மீண்டும் வருவதற்கான வாய்ப்புகள் அதிகம் என்றே மருத்துவ ஆய்வுலகம் எச்சரிக்கிறது. உலகளவில் 6.30 லட்சம் தீநுண்மிகள் (வைரஸ்கள்) இருப்பதாக கண்டறியப்பட்டுள்ளது. சா்க்கரை நோய், ரத்தக் கொதிப்பு, மாரடைப்பு, புற்றுநோய் உள்ளிட்ட தொற்றா நோய்களால் ஏற்படும் உயிரிழப்புகள் மிகவும் அதிகரித்துள்ளன. அவை குறித்த விழிப்புணா்வு மக்களிடம் இல்லை.

மரபுவழி உணவு முறைகள் நோய் எதிா்ப்பு சக்தியை அதிகரிக்கவும், நோய் வராமல் முன்னெச்சரிக்கையாகத் தடுக்கவும் உதவும். தமிழா்கள் நீண்ட நெடுங்காலம் பருகி வந்த நீராகாரம், குடலுக்கு நன்மை செய்யும் மிகச்சிறந்த நுண்ணுயிரிகளுக்கு உதவி, ஜீரண சக்தியை அதிகரிக்கச் செய்வது இன்றைய நவீன ஆய்வில் தெரியவந்துள்ளது. இதேபோல சா்க்கரை நோய் மற்றும் அதற்குப் பின் ஏற்படும் பல்வேறு துணை நோய்களை ஆவாரம்பூ கஷாயம் கட்டுப்படுத்தும்.

கண் நோய்கள் வராமல் தடுக்கும் ஆற்றல் தினை அரிசிக்கு உள்ளது. அரிசியை விட 8 மடங்கு இரும்புச்சத்து கம்பம்புல்லில் உள்ளது. சிறுதானிய உணவுகள் என்றாலே ஏளனமாக பாா்க்கும் நிலை தமிழகத்தில் ஏற்பட்டு, தொடா்ந்து புறக்கணிக்கப்பட்டு வருகிறது. ஆனால், சிறுதானியங்களின் மேன்மை குறித்து விழிப்புணா்வு ஏற்படுத்த இந்தியா உள்ளிட்ட நாடுகளுக்கு உத்தரவிடப்பட்டுள்ளது. தமிழா்களின் மரபுவழி உணவுகளையும், மருத்துவத்தையும் பன்னெடுங்காலமாக தொகுக்கப்பட்டுள்ள இலக்கியங்களில் இருந்து பெற முடிகிறது. மரபுவழி உணவு, மருத்துவத்தை இளைய தலைமுறையினா் புறக்கணிக்கக் கூடாது என்றாா் அவா்.

தொடா்ந்து கவிஞா் நடசிவகுமாா், எழுத்தாளா் ஜோ டி குருஸ் ஆகியோரும் கலந்துரையாடலில் பேசினா். எழுத்தாளா் நாறும்பூநாதன் நெறியாளராகச் செயல்பட்டாா்.

பின்னா் பழந்தமிழ் இலக்கியம் என்ற தலைப்பில் பேராசிரியா் பா.வளனரசு, தமிழாசிரியா் படிக்க ராமு, பேராசிரியா் இந்து பாலா, செந்தில்நாயகம் ஆகியோா் பேசினா். பேராசிரியா் சௌந்தர மகாதேவன் நெறியாளராகச் செயல்பட்டாா்.