திருநெல்வேலி மண்டல வாா்டு குழு கூட்டம் வெள்ளிக்கிழமை நடைபெற்றது.
திருநெல்வேலி மாநகராட்சி மைய அலுவலகத்தில் நடைபெற்ற கூட்டத்துக்கு, திருநெல்வேலி மண்டல தலைவா் மகேஸ்வரி தலைமை வகித்தாா். உதவி ஆணையா் வெங்கட்ராமன், உதவி செயற்பொறியாளா் பைஜூ ஆகியோா் முன்னிலை வகித்தனா்.
இளநிலை பொறியாளா் விவேகானந்தன், மண்டல சுகாதார அலுவலா் இளங்கோ, சுகாதார ஆய்வாளா் பாலசுப்பிரமணியன், பழனி, அலுவலக உதவியாளா் முருகன் ஆகியோா் கலந்துகொண்டனா்.
கூட்டத்தில் நடைபெற்ற விவாதம் வருமாறு.
மகேஸ்வரி: இம் மண்டலத்திற்குள்பட்ட பகுதிகளில் பொதுமக்களுக்கு தேவையான குடிநீா், சாலை உள்ளிட்ட அடிப்படை வசதிகளுக்கு முன்னுரிமை அளிக்கப்பட்டு பணிகள் செய்யப்பட்டு வருகின்றன. பருவமழை முன்னேற்பாடுகள் தீவிரப்படுத்தப்பட்டு மழைநீா் வடிகால் ஓடைகள், வாருகால்கள் தூா்வாரப்பட்டுள்ளன. மக்களின் குறைகள் கேட்டறியப்பட்டு தீா்வுகாணப்பட்டு வருகிறது.
கிட்டு என்ற ராமகிருஷ்ணன்: திருநெல்வேலி நகரம் 4 ரதவீதிகளிலும் குப்பைகள் அதிகமாகி வருகின்றன. 50-க்கும் மேற்பட்ட மாடுகள் ரத வீதிகளை சுற்றி வருகின்றன. அவற்றை கட்டுப்படுத்த வேண்டும்.
அதிகாரிகள்: சாலைகளில் கால்நடைகளை சுற்றித்திரிய விடுவோருக்கு எச்சரிக்கை விடுக்கப்பட்டுள்ளது. தொடா் நடவடிக்கை எடுக்கப்படும்.
அனாா்கலி அப்துல் சுபஹானி: எனது வாா்டுக்குள்பட்ட பகவத்சிங் தெருவில் பழுதான மின்கம்பத்தை மாற்றியமைக்க வேண்டும். ஜெயப்பிரகாஷ் தெரு, வேணுவன குமாரா் தெரு, பகவத்சிங் தெருக்களில் சிறிய மேல்நிலை நீா்த்தேக்கத் தொட்டிகள் அமைத்து தர வேண்டும். இந்தத் தெருக்களில் குண்டும்- குழியுமான சாலைகளை சரிசெய்து பேவா் பிளாக் சாலை அமைத்துத் தர வேண்டும்.
அஜய்: கண்டிகைப்பேரி, நதிப்புரம், கோட்டையடி, புட்டாா்த்தி அம்மன் கோயில் தெரு உள்ளிட்ட இடங்களில் போதிய கழிவறை வசதி செய்ய வேண்டும். எனது வாா்டில் 15 அடிபம்புகள் தேவையாக உள்ளது.
அதிகாரிகள்: அடிபம்புகளை சீரமைக்க நடவடிக்கை எடுக்கப்பட்டுள்ளது.
இந்தக் கூட்டத்தில் மாமன்ற உறுப்பினா்கள் மு. சுப்பிரமணியன், ரவீந்தா், மாரியப்பன், ராஜேஸ்வரி உள்ளிட் டோா் கலந்துகொண்டனா்.