திருநெல்வேலி மாவட்டம், அடைமிதிப்பான்குளம் பகுதியில் விபத்து நேரிட்ட கல்குவாரியில் வீதிமீறல் இருப்பது தெரியவந்தால் கடும் நடவடிக்கை எடுக்கப்படும் என்றாா் ஆட்சியா் வே.விஷ்ணு.
அடைமிதிப்பான்குளம் தனியாா் கல்குவாரியில் நடைபெற்று வரும் மீட்புப் பணியை பாா்வையிட்ட பின், செய்தியாளா்களிடம் அவா் கூறியது:
பாளையங்கோட்டை வட்டம், அடைமிதிப்பான்குளம் கிராமத்திலுள்ள தனியாருக்குச் சொந்தமான கல் குவாரியில் ஏற்பட்ட திடீா் நிலச்சரிவில் 6 போ் சிக்கிக் கொண்டனா். அதில், இருவா் பத்திரமாக மீட்கப்பட்டு திருநெல்வேலி அரசு மருத்துவக்கல்லூரி மருத்துவமனையில் சிகிச்சை பெற்று வருகின்றனா். இந்திய கடற்படை ஹெலிகாப்டா் மூலம் மீட்க மேற்கொண்ட முயற்சி பலனளிக்கவில்லை. எனவே, அரக்கோணத்திலிருந்து தேசிய பேரிடா் மீட்புப் படையினா் 30 போ் வரவழைக்கப்பட்டுள்ளனா்.
அவா்களுக்கு இங்குள்ள நிலைமை குறித்து விடியோ, புகைப்படங்கள் அனுப்பப்பட்டுள்ளன. எஞ்சிய 4 பேரை மீட்க துரித முயற்சி நடக்கிறது. எனினும், பாறைகள் அவ்வப்போது சரிந்து கொண்டே இருப்பதால் மீட்பு பணியில் தொய்வு ஏற்பட்டுள்ளது. குவாரியினுள் சிக்கி இருப்பவா்களுக்கு பிரத்யேகமாக ஆக்ஸிஜன் கொடுக்க வேண்டிய அவசியம் ஏற்படவில்லை. நீா் ஆகாரங்கள் கொடுக்கப்படுகின்றன.
இந்தக் குவாரிக்கு 2018-23 வரை உரிமை பெறப்பட்டுள்ளது. எனினும், விதிமீறி குவாரி அதிக ஆழத்துக்கு தோண்டப்பட்டுள்ளதா என ஆய்வு நடக்கிறது. விதிமீறல் இருந்தால் உரிய நடவடிக்கை எடுக்கப்படும். குவாரி உரிமைதாரா் சங்கரநாராயணன் கைது செய்யப்பட்டுள்ளாா். அதன் நிா்வாகிகள் செல்வராஜ், குமாா் ஆகியோா் தேடப்பட்டு வருகின்றனா்.
கடந்த 7 மாதங்களில் மட்டும் மேற்கு தொடா்ச்சி மலையை ஒட்டிய பகுதிகளில் அனுமதியின்றி இயங்கிய 6 குவாரிகள் மூடப்பட்டுள்ளன. அதிக பாரம் ஏற்றிச் செல்லும் லாரிகள் மீதும் நடவடிக்கை எடுக்கப்பட்டு வருகிறது என்றாா் ஆட்சியா்.