திருநெல்வேலி

319 பயனாளிகளுக்கு நலத்திட்ட உதவிகள்

1st May 2022 06:04 AM

ADVERTISEMENT

 

திருநெல்வேலி கால்நடை மருத்துவக் கல்லூரி மற்றும் ஆராய்ச்சி நிலையத்தில் நடைபெற்ற விழாவில், திருநெல்வேலி, தூத்துக்குடி மாவட்டங்களைச் சோ்ந்த 319 பயனாளிகளுக்கு ரூ.2.6 லட்சம் மதிப்பிலான நலத்திட்ட உதவிகளை மீன்வளம், மீனவா் நலத்துறை மற்றும் கால்நடை பராமரிப்புத்துறை அமைச்சா் அனிதா.ஆா்.ராதாகிருஷ்ணன் சனிக்கிழமை வழங்கினாா்.

மண்டல அளவிலான கால்நடை கண்காட்சி திருநெல்வேலி கால்நடை மருத்துவக் கல்லூரி மற்றும் ஆராய்ச்சி நிலையத்தில் வெள்ளி, சனி ஆகிய இரு தினங்கள் நடைபெற்றது. இதில் 2-ஆவது நாளான சனிக்கிழமை கருத்தரங்கம் மற்றும் நலத்திட்ட உதவிகள் வழங்கும் விழா நடைபெற்றது.

இந்த நிகழ்ச்சிக்கு மாவட்ட ஆட்சியா் வே.விஷ்ணு தலைமை வகித்தாா். கால்நடை மருத்துவ அறிவியல் பல்கலைக்கழக துணைவேந்தா் க.ந.செல்வக்குமாா், திருநெல்வேலி மக்களவை உறுப்பினா் சா.ஞானதிரவியம், பாளையங்கோட்டை சட்டப்பேரவை உறுப்பினா் மு.அப்துல் வஹாப் ஆகியோா் முன்னிலை வகித்தனா்.

ADVERTISEMENT

மீன்வளம், மீனவா் நலத்துறை மற்றும் கால்நடை பராமரிப்புத்துறை அமைச்சா் அனிதா ஆா்.ராதாகிருஷ்ணன் கலந்துகொண்டு, அறிவியல் தொழில்நுட்பம் மூலம் நாட்டுக்கோழி உற்பத்தி திறனை மேம்படுத்துதல் என்ற நூலினை வெளியிட, அதை மாவட்ட ஆட்சியா் வே. விஷ்ணு பெற்றுக்கொண்டாா்.

தொடா்ந்து திருநெல்வேலி, தூத்துக்குடி மாவட்டங்களைச் சோ்ந்த 319 பயனாளிகளுக்கு மாட்டுத் தீவனம், ஆட்டுத் தீவனம், கோழிக்கூடுகள், கோழிக்குஞ்சுகள் என மொத்தம் ரூ.2.6 லட்சம் மதிப்பிலான நலத்திட்ட உதவிகளை அமைச்சா் அனிதா ஆா்.ராதாகிருஷ்ணன் வழங்கினாா்.

இந்நிகழ்ச்சியில், மாநகராட்சி மேயா் பி.எம்.சரவணன், மாநகராட்சி துணை மேயா் கே.ஆா்.ராஜு, கால்நடை மருத்துவக் கல்லூரி மற்றும் ஆராய்ச்சி நிலைய முதல்வா் முனைவா் அ.பழனிசாமி, கா ல்நடை நலக்கல்வி இயக்குநா் சௌந்தரராஜன், பாளையங்கோட்டை ஊராட்சி ஒன்றியக் குழுத் தலைவா் கே.எஸ்.தங்கபாண்டியன், தேசிய நச்சுயி ரி மற்றும் நுண்ணுயிரி சேகரிப்புத் திட்ட பட்டியலின மக்கள் உபதிட்ட பல்கலைக்கழக ஒருங்கிணைப்பாளா் தி.வ.மீனாம்பிகை உள்ளிட்ட பலா் கலந்து கொண்டனா்.

 

ADVERTISEMENT
ADVERTISEMENT