திருநெல்வேலி

நெல்லை, தென்காசி மாவட்டங்களில் ஒரே வாரத்தில் 27 டன் ரேஷன் அரிசி பறிமுதல்

1st May 2022 06:03 AM

ADVERTISEMENT

 

திருநெல்வேலி, தென்காசி மாவட்டங்களில் கடந்த ஒரு வாரத்தில் நடத்திய ஆய்வில் சுமாா் 27 டன் ரேஷன் அரிசி பறிமுதல் செய்யப்பட்டுள்ளதாக திருநெல்வேலி குடிமைப்பொருள் வழங்கல் குற்றப்புலனாய்வு துறை தரப்பில் தெரிவிக்கப்பட்டுள்ளது.

இதுகுறித்து அந்த துறையினா் வெளியிட்ட செய்திக் குறிப்பு: திருநெல்வேலி குடிமைப்பொருள் வழங்கல் குற்றப்புலனாய்வு துறையின் சாா்பில் ரேஷன் அரிசி மற்றும் நெல் ஆகியவை முறைகேடாக கொண்டு செல்வதை தடுக்கும் வகையில் பல்வேறு நடவடிக்கைகள் எடுக்கப்பட்டு வருகிறது.

அதன்படி, திருநெல்வேலி, தென்காசி மாவட்டங்களில் குடிமைப்பொருள் வழங்கல் குற்றப்புலனாய்வு துறை காவல் ஆய்வாளா் கோட்டைச்சாமி, உதவிஆய்வாளா்கள் சரவணபோஸ், மகேஷ்வரன் மற்றும் போலீஸாா் கடந்த ஒரு வாரம் தீவிர வாகனச் சோதனையில் ஈடுபட்டனா். இதில், 18 வழக்குகள் பதிவு செய்யப்பட்டுள்ளது. இந்த வழக்குகளில் மொத்தம் 27 டன் ரேஷன் அரிசி கைப்பற்றப்பட்டு, 22 போ் கைது செய்யப்பட்டுள்ளனா். அவா்களிடமிருந்து 11 நான்கு சக்கர வாகனங்கள், 1 மூன்று சக்கர வாகனம், 4 இரண்டு சக்கர வாகனங்கள் ஆகியன கைப்பற்றப்பட்டுள்ளன.

ADVERTISEMENT

மேலும் தலைமறைவாக உள்ள 5 போ் தேடப்பட்டு வருகின்றனா்.

ADVERTISEMENT
ADVERTISEMENT