திருநெல்வேலி

வீரவநல்லூரில் மின்சாரம் பாய்ந்து கூலித் தொழிலாளி பலி

1st Jan 2022 02:36 AM

ADVERTISEMENT

வீரவநல்லூரில் குளத்தில் அறுந்துகிடந்த மின்கம்பியை மிதித்த கூலித் தொழிலாளி மின்சாரம் பாய்ந்து உயிரிழந்தாா். மின் வாரியத்தின் கவனக்குறைவால் உயிரிழந்ததாகக் கூறி உறவினா்கள் சாலை மறியலில் ஈடுபட்டனா்.

வீரவநல்லூா் மேட்டுத் தெருவைச் சோ்ந்த ஹரிராமகிருஷ்ணன் மகன் சைலப்பன் (45). கூலித் தொழிலாளியான இவா், வெள்ளிக்கிழமை காலை அருகிலுள்ள மருதகுளத்திற்குச் சென்றாா். அப்போது தண்ணீரில் அறுந்து கிடந்த உயரழுத்த மின்கம்பியை மிதித்ததில் மின்சாரம் பாய்ந்து சம்பவ இடத்திலேயே உயிரிழந்தாா்.

சைலப்பன் சடலத்தை வீரவநல்லூா் போலீஸாா் கைப்பற்றி பிரேதப் பரிசோதனைக்காக திருநெல்வேலி அரசுமருத்துவமனைக்கு அனுப்பி வைத்தனா்.

இந்நிலையில் தகவலறிந்த சைலப்பன் உறவினா்கள், மின் வாரியத்தின் கவனக்குறைவால் சைலப்பன் உயிரிழந்ததாகவும் உரிய நிவாரணம் வழங்கக் கோரியும் வீரவநல்லூா் துணை மின் நிலையம் முன்பு திருநெல்வேலி-அம்பாசமுத்திரம் சாலையில் மறியலில் ஈடுபட்டனா். அவா்களிடம் காவல் துணைக் கண்காணிப்பாளா்கள் சேரன்மகாதேவி ராமகிருஷ்ணன், அம்பாசமுத்திரம் பிரான்சிஸ், சேரன்மகாதேவி வட்டாட்சியா் பாலசுப்பிரமணியன் உள்ளிட்டோா் பேச்சு நடத்தினா். இதையடுத்து மின் வாரியம் சாா்பில் ரூ. 5 லட்சம் நிவாரண உதவியும், வருவாய்த் துறை சாா்பில் சைலப்பன் மனைவி ராஜம்மாளுக்கு விதவை உதவித் தொகைக்கான உத்தரவும் வழங்கப்பட்டது. மேலும் முதல்வா் நிவாரண உதவிக்கு பரிந்துரைப்பதாக அதிகாரிகள் உறுதியளித்தனா். இதையடுத்து மறியலில் ஈடுபட்டவா்கள் கலைந்து சென்றனா்.

ADVERTISEMENT

உயிரிழந்த சைலப்பனுக்கு மனைவி, 3 பெண் குழந்தைகள் உள்ளனா்.

Image Caption

~

 

ADVERTISEMENT
ADVERTISEMENT