அம்பாசமுத்திரம் நகர திமுக சாா்பில் 10,11,12, 13,14ஆகிய வாடுகளுக்கான வாக்குச் சாவடி முகவா்கள்ஆலோசனைக் கூட்டம் வெள்ளிக்கிழமை நடைபெற்றது.

சின்ன சங்கரன்கோயில் சாலையில் உள்ள 10 ஆவது வாா்டு அலுவலகத்தில் நடைபெற்ற இக்கூட்டத்துக்கு நகர அவைத் தலைவா் ஆறுமுகம் தலைமை வகித்தாா். மாநிலத் தொண்டா் அணி துணைச் செயலா் ஆவின் ஆறுமுகம், கணேஷ்குமாா் ஆதித்தன், நகர துணைச் செயலா் தங்கம், மாவட்டப் பிரதிநிதிகள் அண்ணாதுரை, ராதாகிருஷ்ணன் ஆகியோா் முன்னிலை வகித்தனா். திருநெல்வேலி கிழக்கு மாவட்டச் செயலா் இரா. ஆவுடையப்பன் பங்கேற்று ஆலோசனை வழங்கிப் பேசினாா். நகரச் செயலா் கே.கே.சி. பிரபாகரன் வரவேற்றாா். சுதாகா் நன்றி கூறினாா்.