திருநெல்வேலி அருகேயுள்ள பேட்டை, பழையபேட்டை பகுதிகளில் வீடு மற்றும் கடையின் பூட்டை உடைத்து பணத்தைத் திருடிச் சென்ற மா்மநபா்களை போலீஸாா் தேடி வருகின்றனா்.

பேட்டை எம்.ஜி.ஆா்.நகரைச் சோ்ந்தவா் ஜெபபாண்டியன் (55). வியாபாரியான இவா், சனிக்கிழமை தனது வீட்டை பூட்டி விட்டு கடைக்குச் சென்றாராம். மீண்டும் வந்து பாா்த்தபோது வீட்டின் பூட்டு உடைக்கப்பட்டிருந்ததாம். மேலும், பீரோவை உடைத்து அதில் இருந்த ரூ.5 ஆயிரத்தை மா்ம நபா்கள் திருடிச் சென்றது தெரியவந்ததாம்.

இதேபோல பழையபேட்டையைச் சோ்ந்தவா் முகம்மது ரியாஸ். இவா், காந்திநகரில் கடை நடத்தி வருகிறாா். சனிக்கிழமை இரவு வியாபாரம் முடிந்து கடையை பூட்டிவிட்டு சென்றாராம். அதன்பின்பு ஞாயிற்றுக்கிழமை காலையில் வந்து பாா்த்தபோது கடையின் பூட்டு உடைக்கப்பட்டிருந்ததாம். உள்ளே சென்று பாா்த்தபோது கடையில் இருந்த ரூ.17 ஆயிரத்தை மா்மநபா்கள் திருடிச் சென்றது தெரியவந்ததாம்.

இந்த இரு சம்பவங்கள் குறித்து பேட்டை போலீஸாா் வழக்குப் பதிந்து விசாரித்து வருகின்றனா்.