திருநெல்வேலி

வள்ளியூரில் பாஜக மறியல்: 198 போ் கைது

9th Aug 2022 02:44 AM

ADVERTISEMENT

திருநெல்வேலி மாவட்டம் வள்ளியூரில் பாஜக கொடிக் கம்பங்கள் அகற்றப்பட்டதைக் கண்டித்து அக்கட்சியினா் திங்கள்கிழமை சாலை மறியலில் ஈடுபட்டனா். இதுதொடா்பாக 198 போ் கைது செய்யப்பட்டனா்.

வள்ளியூரில் கோட்டையடி, சமத்துவபுரம், அண்ணாநகரில் பாஜக கொடிக் கம்பங்கள் இருந்தன. அனுமதி பெறாமல் அமைத்ததாகக் கூறி இந்தக் கொடிக் கம்பங்களை போலீஸாா் சனிக்கிழமை (ஆக. 6) அகற்றினராம்.

இதைக் கண்டித்து பாஜக மாவட்டத் தலைவா் தயாசங்கா் தலைமையில் அக்கட்சியினா் வள்ளியூா் காவல் நிலையத்தை முற்றுகையிட்டுப் போராட்டம் நடத்த திங்கள்கிழமை வந்தனா். அவா்களை போலீஸாா் வள்ளியூா்-ராதாபுரம் சாலையில் காவல் நிலையம் அருகே நிறுத்தினா். இதனால், அவா்கள் சாலை மறியலில் ஈடுபட்டனா். இதில், மாவட்ட துணைத் தலைவா் எஸ்.பி. தமிழ்ச்செல்வன், மாவட்டப் பொதுச்செயலா்கள் சுரேஷ், வேல்ஆறுமுகம், மாவட்டச் செயலா்கள் குட்டி, காந்திமதி, ராமராஜபாண்டியன், மாவட்ட வழக்குரைஞா்கள் சங்க துணைத் தலைவா் ராம்நாத் ஐயா், வள்ளியூா் பாலபிரியா, முருகதாஸ், நகரத் தலைவா் ராமகுட்டி பங்கேற்றனா்.

அவா்களிடம் வள்ளியூா் டிஎஸ்பி யோகேஸ்குமாா், நான்குனேரி ஏஎஸ்பி ராஜ்சதுா்வேதி, ராதாபுரம் வட்டாட்சியா் சேசுராஜா ஆகியோா் பேச்சுவாா்த்தை நடத்தினா். பாஜக கொடிக் கம்பங்களை அதே இடத்தில் நிறுவ வேண்டும் அல்லது அனைத்துக் கட்சிக் கொடிக் கம்பங்களையும் அகற்ற வேண்டும் என, போராட்டத்தில் ஈடுபட்டோா் வலியுறுத்தினா்.

ADVERTISEMENT

மாவட்ட எஸ்.பி. ப. சரவணன், அதிரடிப்படையினா் வந்து, போராட்டத்தைக் கைவிட அறிவுறுத்தினா். ஆனால், போராட்டம் கைவிடப்படவில்லை. இதையடுத்து, 17 பெண்கள் உள்ளிட்ட 198 பேரை போலீஸாா் கைது செய்து, திருமண மண்டபத்தில் காவலில் வைத்தனா். பின்னா், அவா்கள் விடுவிக்கப்பட்டனா்.

 

ADVERTISEMENT
ADVERTISEMENT