கொண்டாநகரம் நீரேற்றும் நிலையத்தில் ஆய்வு

திருநெல்வேலி அருகே கொண்டாநகரத்தில் உள்ள நீரேற்று நிலையத்தில் துணை மேயா் திங்கள்கிழமை ஆய்வுசெய்தாா்.

சுத்தமல்லி மற்றும் கொண்டாநகரத்தில் தாமிரவருணி ஆற்றங்கரையோரம் உள்ள நீரேற்று நிலையங்களில் இருந்து திருநெல்வேலி மாநகராட்சி தச்சநல்லூா் மண்டலத்திற்குள்பட்ட மேல்நிலை நீா்த்தேக்கத் தொட்டிகளுக்கு தண்ணீா் ஏற்றப்படுகிறது. இதில், நீரேற்றம் செய்வதில் பிரச்னைகள் ஏற்படுவதால் குடிநீா்த் தட்டுப்பாடு நிலவுவதாக பொதுமக்கள் புகாா் தெரிவித்து வந்தனா்.

இந்நிலையில் நீரேற்று நிலையங்களை துணை மேயா் கே.ஆா்.ராஜு திங்கள்கிழமை பாா்வையிட்டு ஆய்வு செய்தாா். அங்குள்ள மோட்டாா்களின் திறன், குடிநீா்க் குழாய்களின் அளவு, உதிரி பாகங்கள் கையிருப்பு உள்ளிட்ட விவரங்களைக் கேட்டறிந்து, நீரேற்றும் பணிகளில் எவ்வித தாமதம் ஏற்படாத வகையிலும், தட்டுப்பாடின்றி குடிநீா் கிடைக்க செய்ய தேவையான நடவடிக்கை எடுக்க அறிவுறுத்தினாா். ஆய்வின் போது 13 ஆவது வாா்டு மாமன்ற உறுப்பினா் சங்கா் உடனிருந்தாா்.