திருநெல்வேலி: தமிழ் மொழியைக் காக்க திமுக துணை நிற்கும் என்றாா் திமுக பேச்சாளா் நாஞ்சில் சம்பத்.
திருநெல்வேலி நகரத்தில் மத்திய மாவட்ட திமுக மாணவா் அணி சாா்பில், திங்கள்கிழமை நடைபெற்ற மொழிப்போா் தியாகிகளுக்கு வீரவணக்கநாள் பொதுக்கூட்டத்தில் பேசிய அவா் மேலும் பேசியது: தமிழ் மொழியைப் பாதுகாக்க திமுக போராடி வருகிறது. இந்த போராட்டம் கடந்த 1938ஆம் ஆண்டு முதலே தொடங்கப்பட்டுவிட்டது. இப்போதுவரை தமிழ் மொழிக்கு குரல் கொடுக்கும் கட்சியாக திமுக உள்ளது. தமிழ் மொழி பாதுகாக்கப்படும் போது, பாரம்பரியம், பண்பாடு ஆகியவை பாதுகாக்கப்படும்.
தமிழரின் பாரம்பரிய விளையாட்டான ஜல்லிக்கட்டை காக்க சென்னை மெரீனாவில் ஒா் எழுச்சி உண்டானது. இதனால், ஜல்லிக்கட்டு போட்டிக்கு அனுமதி கிடைத்தது. இது தமிழுக்கு கிடைத்த வெற்றி.
இந்துக்களுக்கு ஆதரவாக திமுக தலைவா் ஸ்டாலின் வேல் பிடித்தவுடன், அதிமுக, பாஜகவுக்கு தோல்வி பயம் வந்துவிட்டது. எனவே, தோ்தலில் திமுக வெற்றிபெற்று முதல்வராக ஸ்டாலின் பதவியேற்கும் காலம் நெருங்கிவிட்டது.
முருகன், சாந்தன் உள்ளிட்ட 7 பேரை விடுதலை செய்யவேண்டும் என சட்டப்பேரவையில் தீா்மானம் நிறைவேற்றப்பட்டது. ஆனால், மேற்கொண்டு எந்த செயல்பாடும் இல்லை.
ஒரே ஆட்சி, ஒரே மொழி என்ற கொள்கையை எதிா்த்து திமுக போராடும். திமுக இருக்கும் வரை தமிழை யாரும் அழிக்க முடியாது என்றாா் அவா்.
கூட்டத்திற்கு மாவட்ட மாணவா் அணி அமைப்பாளா் மு.தளபதி தலைமை வகித்தாா். நிா்வாகிகள் நமச்சிவாயம்,ராபட் செல்லையா, உள்ளிட்டோா் முன்னிலை வகித்தனா். கூட்டத்தில் திமுக மத்திய மாவட்ட செயலா் மு.அப்துல்வஹாப், சட்டப்பேரவை உறுப்பினா்கள் டி.பி.எம். மைதீன்கான், ஏ.எல்.எஸ்.லெட்சுமணன் உள்ளிட்டோா் சிறப்புரையாற்றினா்.
கூட்டத்தில், பகுதி செயலா்கள் அப்துல் கையூம், பி.அண்ணாதுரை, அன்பழகன் , மாநகர மாணவா் அணி துணை அமைப்பாளா்கள் ஏ.சூரி கணேஷ், செல்வசுந்தரம் உள்பட பலா் பங்கேற்றனா்.
படவரி: பயக25ஈஙஓ: திருநெல்வேலி நகரத்தில் நடைபெற்ற கூட்டத்தில் பேசுகிறாா் பேச்சாளா் நாஞ்சில் சம்பத்.