திருநெல்வேலி: திருநெல்வேலி மாவட்டம் குறிச்சிகுளத்தில் சமத்துவபுரம் அமைக்கக் கோரி அப்பகுதி மக்கள் ஆட்சியா் அலுவலகத்தில் மனு அளித்தனா்.

திருநெல்வேலி மாவட்ட மக்கள் குறைதீா் கூட்டம் ஆட்சியா் அலுவலகத்தில் திங்கள்கிழமை நடைபெற்றது.

இக்கூட்டத்தில் குறிச்சிகுளம் மக்கள் அளித்த மனு: ‘எங்கள் பகுதியில் உள்ள ஏராளமான மக்கள் வீடு இல்லாமல் உள்ளனா். எனவே, எங்கள் கிராமத்தில் தனி நபா்களால் ஆக்கிரமிக்கப்பட்டுள்ள அரசு நிலங்களை மீட்டு அதில் சமத்துவபுரம் அமைக்க வேண்டும்’ என குறிப்பிட்டுள்ளனா்.

தியாகராஜநகா் பொது நலச்சங்கத்தினா் அளித்த மனு: திருநெல்வேலி மாநகராட்சிக்குள்பட்ட தியாகராஜ நகா், ஆசீா்வாத நகா், வேலவன் காலனி, மகாராஜநகா் ஆகியவற்றின் நீராதாரமாகத் திகழும் நொச்சிகுளத்திற்கு தண்ணீா் வரும் நீா் வழிப்பாதை ஆக்கிரமிக்கப்பட்டுள்ளது. நீா் வழிப்பாதையில் உள்ள ஆக்கிரமிப்புகளை அகற்றி தூா் வார வேண்டும் என குறிப்பிட்டுள்ளனா்.